ពិព័រណ៍រូបថតអំពីវៀតណាមនៅសួនពិភពលោកទីក្រុង Berlin

ព្រឹត្តិការណ៍នេះរៀបចំដោយនាយកដ្ឋានវិចិត្រសិល្បៈ ការថតរូប និងពិព័រណ៍ (ក្រសួងវប្បធម៌ កីឡា និងទេសចរណ៍វៀតណាម) និងស្ថានទូតវៀតណាមប្រចាំនៅអាល្លឺម៉ង់។ រូបថតចំនួន ៥០ សន្លឹកអំពីមនុស្ស វប្បធម៌ និងទេសភាពធម្មជាតិនៃប្រទេសវៀតណាម របស់អ្នកថតរូបវៀតណាម និងអ្នកថតរូបអាល្លឺម៉ង់ Götz Peter Reichelt ត្រូវបានតាំងបង្ហាញនៅសួនពិភពលោកទីក្រុង Berlin។

រូបថតចំនួន ៥០ ស្លឹកអំពីប្រជាជន វប្បធម៌ និងទេសភាពវៀតណាម ត្រូវបានតាំងបង្ហាញនៅសួនពិភពលោកទីក្រុង Berlin (រូបថត៖ vnanet.vn)

យោងតាមលោក Ngo Tuan Phong អនុប្រធាននាយកដ្ឋានវិចិត្រសិល្បៈ ថតរូប និងពិព័រណ៍ ប្រធានក្រុមបេសកកម្មនៃនាយកដ្ឋានដែលបំពេញទស្សនកិច្ចនៅទីក្រុង Berlin ដើម្បីរៀបចំពិព័រណ៍នោះ រូបថតចំនួន ៥០ ស្លឹកដែលដាក់តាំងបង្ហាញ បានបង្ហាញអំពីវៀតណាមដ៏ស្រស់ស្អាត ដែលបាននិងកំពុងសម្រេចបានសមិទ្ធិផលដ៏ធំធេង អភិវឌ្ឍ សមាហរណកម្ម និងឈានចូលយុគសម័យថ្មីរបស់ប្រទេសជាតិ។

លោកបានសម្តែងក្តីសង្ឃឹមថា ពិព័រណ៍នេះនឹងរួមចំណែកពង្រឹងបន្ថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការលើវិស័យវប្បធម៌ និងសិល្បៈរវាងប្រទេសទាំងពីរ ជាស្ពាននិងឱកាសដើម្បីជួយសហគមន៍ជនវៀតណាមនៅអាល្លឺម៉ង់ ប្រជាជនអាល្លឺម៉ង់ និងអ្នកដែលស្រឡាញ់វៀតណាម យល់កាន់តែច្បាស់អំពីប្រទេស និងប្រជាជនវៀតណាម៕

បកប្រែដោយ Thuy Anh