វៀតណាមបញ្ជាក់ពីកិត្យានុភាព និងតួនាទីរបស់ខ្លួននៅអង្គការយូណេស្កូ

វៀតណាមក៏បានបង្ហាញយ៉ាងច្បាស់ពីតួនាទីរបស់ខ្លួនជាសមាជិកសកម្ម និងមានទំនួលខុសត្រូវ ដែលរួមចំណែកក្នុងការបង្កើតគោលនយោបាយរបស់អង្គការយូណេស្កូ ដោយហេតុនោះលើកកម្ពស់ឋានៈ និងកិត្យានុភាពរបស់ប្រទេសជាតិ និងផ្សព្វផ្សាយតម្លៃមនុស្សធម៌ និងក្តីស្រឡាញ់សន្តិភាពរបស់ប្រទេសជាតិនៅលើឆាកអន្តរជាតិ។

សម័យប្រជុំពេញអង្គបោះឆ្នោតទទួលស្គាល់ជាផ្លូវការនូវតំបន់កេរ្តិ៍ដំណែល Yen Tu, Vinh Nghiem, Con Son និង Kiep Bac ជាតំបន់បេតិកភណ្ឌវប្បធម៌ពិភពលោក (រូបថត៖ vnanet.vn)

យោងតាមលោកស្រី Nguyen Thi Van Anh ឯកអគ្គរដ្ឋទូត ប្រធានបេសកកម្មអចិន្ត្រៃយ៍របស់វៀតណាមអមអង្គការ UNESCO សមិទ្ធផលដ៏លេចធ្លោបំផុតមួយរបស់វៀតណាមក្នុងឆ្នាំកន្លងមកគឺ នៅថ្ងៃទី១២ ខែកក្កដា ឆ្នាំ២០២៥ គណៈកម្មាធិការបេតិកភណ្ឌពិភពលោកបានសម្រេចចិត្តដាក់ Yen Tu - Vinh Nghiem - Con Son, Kiep Bac ក្នុងបញ្ជីតំបន់បេតិកភណ្ឌពិភពលោក។ នេះគឺជាតំបន់បេតិកភណ្ឌពិភពលោកទី ៩ របស់វៀតណាម។ ក្នុងឆ្នាំដដែលនោះ ក៏វៀតណាមបន្តទទួលបានកិត្តិនាមសំខាន់ៗចំនួនប្រាំទៀតរបស់អង្គការយូណេស្កូផងដែរ។

លោកស្រី Nguyen Thi Van Anh ឯកអគ្គរដ្ឋទូត បានមានប្រសាសន៍ថា នៅក្នុងបរិបទដែលតម្រូវការកំណែទម្រង់អង្គការយូណេស្កូក្លាយជាបន្ទាន់ វៀតណាមនឹងបន្តបញ្ជាក់តួនាទីជាសមាជិកសកម្មរបស់ខ្លួនដោយចូលរួមក្នុងការចរចាដើម្បីបង្កើនប្រសិទ្ធភាពនៃសកម្មភាពរបស់អង្គការយូណេស្កូនៅក្នុងប្រព័ន្ធពហុភាគីសកល៕

បកប្រែដោយ Thanh Cong