ការប្រគំតន្ត្រី “Van Don - ដំណើរថ្មី តន្ត្រីតភ្ជាប់”
ការប្រគំតន្ត្រី “Van Don - ដំណើរថ្មី តន្ត្រីតភ្ជាប់” បានប្រព្រឹត្តទៅនាយប់ថ្ងៃទី ២៩ ខែធ្នូ នៅមជ្ឈមណ្ឌលកម្សាន្តយុវជន ក្នុងតំបន់ពិសេស Van Don ដោយទាក់ទាញប្រជាជន និងភ្ញៀវទេសចរយ៉ាងច្រើនកុះករ។
ព្រឹត្តិការណ៍នេះគឺសំដៅអបអរសាទរខួបលើកទី ៧៧ នៃការបង្កើត Van Don (ថ្ងៃទី ២៦ ខែធ្នូ ឆ្នាំ ១៩៤៨ - ថ្ងៃទី ២៦ ខែធ្នូ ឆ្នាំ ២០២៥) និងស្វាគមន៍ឆ្នាំថ្មី ២០២៦។
    |
 |
|
ការសម្ដែងមួយនៅក្នុងការប្រគុំតន្ត្រី (រូបថត៖ baoquangninh.vn) |
ការប្រគំតន្ត្រីនេះត្រូវបានរៀបចំឡើងយ៉ាងប្រណិត សម្បូរទៅដោយលក្ខណៈសិល្បៈ ដែលនាំទស្សនិកជនវិលត្រឡប់ទៅរកការចងចាំអំពីស្រុក Van Don ក្នុងអតីតកាល រហូតដល់ជីវភាពសម័យទំនើបនៃតំបន់ពិសេស Van Don នាសព្វថ្ងៃ ដោយ បង្ហាញពី តំបន់ Van Don ដ៏ពោរពេញដោយសេចក្តីប្រាថ្នាអភិវឌ្ឍន៍ក្នុងដំណាក់កាលថ្មី ឆ្ពោះទៅសម្រេចគោលដៅកសាងតំបន់ពិសេស Van Don ទៅជាមជ្ឈមណ្ឌលសេដ្ឋកិច្ចសមុទ្រដ៏ស្វាហាប់ និងពហុវិស័យ ដែលជាតំបន់សេដ្ឋកិច្ចពិសេសជំនាន់ថ្មីរបស់ប្រទេសទាំងមូល។
មិនត្រឹមតែជាកម្មវិធីសិល្បៈដ៏វិសេសវិសាលប៉ុណ្ណោះទេ ការប្រគំតន្ត្រី "Van Don - ដំណើរថ្មី តន្ត្រីតភ្ជាប់" គឺជាឱកាសមួយដើម្បីផ្សព្វផ្សាយអំពីតម្លៃវប្បធម៌ និងមនុស្ស Van Don ព្រមទាំងបំផុសមោទនភាព ជំនឿជាក់ និងសេចក្តីប្រាថ្នាសម្រាប់ការកសាង Van Don ឲ្យរីកចម្រើនប្រកបដោយចីរភាពនិងសម្បូរទៅដោយអត្តសញ្ញាណ៕
តាម vovworld.vn