ការតាំងពិព័រណ៍រូបថតសិល្បៈ “វៀតណាម - ឥណ្ឌូនេស៊ី៖ តាមរយៈកែវថតនៃចំណងមិត្តភាព”

ប្រតិភូកាត់ខ្សែបូរ​បើកការតាំងពិព័រណ៍

នេះគឺជាសកម្មភាពវប្បធម៌ និងសិល្បៈដ៏សំខាន់មួយ ដើម្បីអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងប្រទេសទាំងពីរ។

ការតាំងពិព័រណ៍នេះបង្ហាញ​ស្នាដៃចំនួន ១៤០ ដែលបានជ្រើសរើសពីស្នាដៃរបស់អ្នកថតរូបនៃប្រទេសវៀតណាម (៧០ ស្នាដៃ) និងឥណ្ឌូនេស៊ី (៧០ ស្នាដៃ) ដែលឆ្លុះបញ្ចាំងពីសម្រស់ដ៏សម្បូរបែបនៃធម្មជាតិ វប្បធម៌ប្រពៃណី ទេសភាព ទំនៀមទម្លាប់ និងជីវភាពប្រចាំថ្ងៃរបស់ប្រជាជននៃប្រទេសទាំងពីរ។

ស្នាដៃមកពីប្រទេសវៀតណាមពណ៌នាអំពីសម្រស់នៃប្រទេស ស្មារតីធ្វើការ និងភាពរួសរាយរាក់ទាក់​របស់ប្រជាជនវៀតណាម។ ស្នាដៃមក​ពី​ប្រទេសឥណ្ឌូនេស៊ីនាំមកនូវពណ៌ភ្លឺស្វាងនៃប្រទេសប្រជុំកោះ ដែលមានប្រាសាទបូរ៉ូប៊ូឌួរ ភ្នំភ្លើងប្រូម៉ូ និងពិធីបុណ្យវប្បធម៌ពិសេសៗ។

សាធារណជនចូលទស្សនាការតាំងពិព័រណ៍

ការតាំងពិព័រណ៍នេះគឺជាលទ្ធផលនៃដំណើរការសហប្រតិបត្តិការសិល្បៈដែលផ្តួចផ្តើមចេញពីកិច្ចប្រជុំ និងការផ្លាស់ប្តូររវាងអង្គការថតរូបទាំងពីរនៅក្នុងខែមេសា ឆ្នាំ២០២៥។ ស្មារតីនៃការរួបរួម ការគោរព និងសមភាព ត្រូវបានបង្ហាញយ៉ាងច្បាស់តាមរយៈចំនួនស្នាដៃស្មើគ្នារបស់ភាគីទាំងពីរ អាស្រ័យ​លើនេះ​ពង្រីកលំហសម្រាប់ការផ្លាស់ប្តូរ បង្កើនការយល់ដឹង និងលើកកម្ពស់ចំណងមិត្តភាពរវាងប្រជាជនវៀតណាម និងឥណ្ឌូនេស៊ី។

បកប្រែដោយ Duy Hoan