បើកយុទ្ធនាការផ្សព្វផ្សាយ "ខ្ញុំស្រឡាញ់មាតុភូមិរបស់ខ្ញុំ"

យុទ្ធនាការនេះនឹងដំណើរការចាប់ពីថ្ងៃទី ៤ ខែសីហា ដល់ថ្ងៃទី ២ ខែកញ្ញា ឆ្នាំ ២០២៥។

សម្ព័ន្ធយុវជនវៀតណាមបច្ចុប្បន្នមានសមាជិកប្រហែល ១០ លាននាក់ ដែលភាគច្រើនប្រើប្រាស់បណ្តាញសង្គម។ កិច្ចសហប្រតិបត្តិការជាមួយ TikTok ដែលជាវេទិកាដែលមានឥទ្ធិពលខ្លាំង និងមានលទ្ធភាពកំណត់និន្នាការ នឹងបើក "ក្លោងទ្វារ"  ផ្សព្វផ្សាយរូបភាពយុវជនវៀតណាមក្លាហាន និងច្នៃប្រឌិត ផ្សព្វផ្សាយយ៉ាងទូលំទូលាយក្នុងប្រទេស និងក្រៅប្រទេស។

លោក Nguyen Tuong Lam លេខាមជ្ឈិមសម្ព័ន្ធយុវជន ប្រធានសហភាពសហព័ន្ធយុវជនវៀតណាម និងលោក Nguyen Lam Thanh តំណាង TikTok វៀតណាម ចុះហត្ថលេខាលើកិច្ចព្រមព្រៀងសហប្រតិបត្តិការ ដំណាក់កាល ២០២៥ - ២០២៩ (រូបថត៖ vnanet.vn)

អ្នកចូលរួមគឺជាពលរដ្ឋវៀតណាមក្នុង និងក្រៅប្រទេស ហើយអាចជ្រើសរើសទម្រង់មួយក្នុងចំណោមទម្រង់ពីរ៖ វីដេអូឃ្លីប "ខ្ញុំស្រឡាញ់មាតុភូមិរបស់ខ្ញុំ" (៣០ វិនាទី ទៅ ៣ នាទី) បង្ហោះនៅលើ TikTok ផ្ទាល់ខ្លួន។ ខ្លឹមសារច្នៃប្រឌិតវិលជុំវិញ ៤ ដំណាក់កាល៖ ពណ៌ទង់ជាតិដែលខ្ញុំស្រលាញ់ (ចាប់ពីថ្ងៃទី ៤ ខែសីហា ដល់ថ្ងៃទី ១០ ខែសីហា) Flex គុណភាពវៀតណាម (ចាប់ពីថ្ងៃទី ១១ ខែសីហា ដល់ថ្ងៃទី ១៧ ខែសីហា) វៀតណាមនៅក្នុងដួងចិត្តខ្ញុំ (ចាប់ពីថ្ងៃទី ១៨ ខែសីហា ដល់ថ្ងៃទី ២៤ ខែសីហា) មោទនភាពវៀតណាម (ចាប់ពីថ្ងៃទី ២៥ ខែសីហា ដល់ថ្ងៃទី ២ ខែកញ្ញា)។ រូបថត Check-in "ខ្ញុំស្រឡាញ់មាតុភូមិរបស់ខ្ញុំ" បង្ហោះនៅលើ Facebook ផ្ទាល់ខ្លួន ឬ Instagram ជាសាធារណៈជាមួយ hashtag ផ្លូវការ បង្ហាញពីក្តីស្រឡាញ់ចំពោះមាតុភូមិ តាមរយៈរូបភាពដែលមានទង់ជាតិវៀតណាមនៅទីតាំងសំខាន់ៗ ដោយមានចំណងជើងមិនលើសពី ១០០ ពាក្យ។ នៅចុងបញ្ចប់នៃដំណាក់កាលនីមួយៗ និងយុទ្ធនាការទាំងមូល គណៈកម្មាធិការរៀបចំនឹងផ្តល់រង្វាន់ដល់ស្នាដៃដែលមានឥទ្ធិពលផ្សព្វផ្សាយខ្លាំងបំផុត៕

បកប្រែដោយ Thanh Cong