យោងតាមព័ត៌មានពីមន្ទីរទេសចរណ៍ខេត្ត Ninh Binh នាព្រឹកថ្ងៃទី៣១ ខែមករា បានឲ្យដឹងថា ចាប់ពីដើមបុណ្យចូលឆ្នាំថ្មីប្រពៃណីជាតិ ២០២៥ (ថ្ងៃទី២៥ ខែមករា) ដល់ថ្ងៃទី៣០ ខែមករា ខេត្តបានទទួលស្វាគមន៍ភ្ញៀវទេសចរប្រមាណ ១៣០,៨៤០ នាក់ (កើនឡើង ១១.៣៧% បើធៀបនឹងបុណ្យចូលឆ្នាំថ្មីប្រពៃណីជាតិ២០២៤) ដែលក្នុងនោះមានភ្ញៀវអន្តរជាតិចំនួន ៣៤,៧៥៣ នាក់។ ជាពិសេស នាថ្ងៃទី ៣០ ខែមករា ខេត្ត Ninh Binh បានទទួលភ្ញៀវទេសចរប្រមាណ ៧១,៣៣០ នាក់ ក្នុងនោះភ្ញៀវអន្តរជាតិមានចំនួន ១០,២៣០ នាក់។

leftcenterrightdel
ភ្ញៀវទេសចរអន្តរជាតិមកទស្សនាវត្ត Bai Dinh

សូមរំលឹកថា នាថ្ងៃទី ២៩ ខែមករា មន្ទីរទេសចរណ៍ខេត្ត Ninh Binh បានរៀបចំពិធីទទួលក្រុមភ្ញៀវទេសចរដំបូងនៃឆ្នាំថ្មី។ នៅឯគោលដៅទេសចរណ៍នានា លោក Bui Van Manh នាយកមន្ទីរទេសចរណ៍ខេត្ត Ninh Binh និងតំណាងគោលដៅទេសចរណ៍ បានជូនផ្កា អំណោយ និងអាំងប៉ាវ ដល់ភ្ញៀវទេសចរ។

ក្នុងឆ្នាំ២០២៥ ផ្នែកទេសចរណ៍ខេត្ត Ninh Binh ដាក់គោលដៅទទួលភ្ញៀវទេសចរជាង ៩.១ លាននាក់ ក្នុងនោះមានភ្ញៀវទេសចរអន្តរជាតិចំនួន ២ លាននាក់ ជាមួយនឹងចំណូលជាង ១០,០០០ ពាន់លានដុង៕

បកប្រែដោយ Thuy Anh