ព្រឹត្តិការណ៍នេះ មានគោលបំណងអបអរសាទរខួបលើកទី ៣០ នៃការបង្កើតទំនាក់ទំនងការទូតរវាងប្រទេសទាំងពីរ និងរួមចំណែកពូនជ្រំទំនាក់ទំនងរវាង Can Tho និងដៃគូកូរ៉េខាងត្បូង។ នេះជាឱកាសសម្រាប់ប្រជាជន Can Tho និងសហគមន៍ជានជាតិកូរ៉េខាងត្បូងនៅតំបន់ដីសណ្ដទន្លេ Cuu Long ស្វែងយល់អំពីលក្ខណៈវប្បធម៌នៃប្រទេសទាំងពីរ។

ក្នុងក្របខ័ណ្ឌនៃព្រឹត្តិការណ៍នេះ មន្ទីរកិច្ចការបរទេសនៃទីក្រុង Can Tho និងមជ្ឈមណ្ឌលវប្បធម៌កូរ៉េខាងត្បូងនៅវៀតណាម មន្ទីរអប់រំ និងបណ្តុះបណ្តាលទីក្រុង Can Tho និងមជ្ឈមណ្ឌលភាសាកូរ៉េខាងត្បូងនៅទីក្រុងហូជីមិញ បានប្រកាសអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការផ្លាស់ប្តូរវប្បធម៌ និងអប់រំ។ ការចុះហត្ថលេខានេះបានបង្ហាញពីទំនាក់ទំនងមិត្តភាព ជិតស្និទ្ធ និងគោលបំណងចង់ជំរុញកិច្ចសហប្រតិបត្តិការ និងពង្រីកប្រៀបខ្លាំងនៃភាគីទាំងពីរដើម្បីការអភិវឌ្ឍរួម។

leftcenterrightdel
ការសម្តែង Pangut នៃក្រុមសិល្បៈប្រពៃណី Uhee មកពីប្រទេសកូរ៉េខាងត្បូង (រូបថត៖ vnanet.vn)

ជាពិសេស គណៈកម្មាធិការប្រជាជនទីក្រុង Can Tho និងស្ថានអគ្គកុងស៊ុលកូរ៉េខាងត្បូងប្រចាំទីក្រុងហូជីមិញ បានប្រមូលថវិកាចំនួន ៦២២ លានដុងពីបុគ្គល និងអង្គភាពនានានៃប្រទេសវៀតណាម និងកូរ៉េខាងត្បូង ដើម្បីផ្តល់អាហារូបករណ៍ដល់សិស្សនិស្សិតក្រីក្រដែលមានលទ្ធផលល្អក្នុងការសិក្សា និងកុមារវៀតណាម-កូរ៉េខាងត្បូងដែលមានស្ថានភាពលំបាកចំនួន ៣១១ នាក់តាមរយៈសមាគមជំរុញការសិក្សាទីក្រុង Can Tho។

ទិវាវប្បធម៌វៀតណាម - កូរ៉េខាងត្បូងនៅទីក្រុង Can Tho ប្រព្រឹត្តទៅនៅថ្ងៃទី ៥ និងទី ៦ ខែតុលាដោយមានសកម្មភាពដ៏ទាក់ទាញជាច្រើនដូចជា៖ ស្តង់ចំនួន ៥០ ស្ដង់ដែលបង្ហាញអំពីវប្បធម៌ ទេសចរណ៍ ម្ហូបអាហារ ការអប់រំ និងពាណិជ្ជកម្មនៃប្រទេសទាំងពីរ ការសម្ដែងសិល្បៈនៃសិល្បករ និងក្រុមតន្ត្រីល្បីៗជាច្រើនមកពីប្រទេសវៀតណាម និងកូរ៉េខាងត្បូង៕

បកប្រែដោយ Thuy Anh