ឈូងសមុទ្រ Ha Long ត្រៀមខ្លួនជាស្រេចទទួលភ្ញៀវទេសចរក្រោយព្យុះលេខ៣

ព្យុះលេខ៣ គឺជាព្យុះដ៏ធំមួយដែលបណ្តាលឱ្យខូចខាតសម្ភារៈបរិក្ខារបម្រើភ្ញៀវទេសចរ ធ្វើឲ្យការទទួលស្វាគមន៍ភ្ញៀវទសេចរនៅឈូងសមុទ្រ Ha Long (ខេត្ត Quang Ninh) ត្រូវបានផ្អាកជាបណ្តោះអាសន្ន។

ក្នុងប៉ុន្មានថ្ងៃថ្មីៗនេះ គណៈកម្មការគ្រប់គ្រងឈូងសមុទ្រ Ha Long បានសហការយ៉ាងសកម្មជាមួយបណ្ដាមន្ទីរ ស្ថាប័ន និងមូលដ្ឋាន ដើម្បីជម្នះការខូចខាតដែលបណ្តាលមកពីព្យុះ។ រហូតមកដល់ពេលនេះ គោលដៅទេសចរណ៍មួយចំនួនមានលក្ខណៈសម្បត្តិគ្រប់គ្រាន់ក្នុងការទទួលស្វាគមន៍ភ្ញៀវទេសចរ។

បន្ទាប់ពីព្យុះទី ៣ ចាប់ពីថ្ងៃទី ១៣ ខែកញ្ញា គោលដៅទេសចរណ៍មួយចំនួននៅលើឈូងសមុទ្រ Ha Long បើកដំណើរការឡើងវិញ (រូបថត៖ nongnghiep.vn)

គណៈកម្មការគ្រប់គ្រងឈូងសមុទ្រ Ha Long ប្រកាសគោលដៅទេសចរណ៍ដែលមានលក្ខណៈសម្បត្តិគ្រប់គ្រាន់ក្នុងការទទួលស្វាគមន៍ភ្ញៀវទេសចរ៖ ខ្សែទី ១ (Thien Cung - Dau Go កន្លែងទេសចរណ៍); ខ្សែទី២ (Sung Sot, ល្អាង Luon, Ti Top); ខ្សែទី៥ (លើកលែងតែ Ba Hang)។

ទន្ទឹមនឹងនោះ កន្លែងស្នាក់នៅដែលមានលក្ខណៈសម្បត្តិគ្រប់គ្រាន់ក្នុងការទទួលភ្ញៀវគឺ៖ Hon លេខ ៥៨៧ - ផ្ទះ Lat - ល្អាង Luon កន្លែងឡើងនាវាល្បឿនលឿន Hon Cat Lan។

ចំពោះគោលដៅទេសចរណ៍ដែលនៅសេសសល់នៅលើឈូងសមុទ្រ Ha Long គណៈកម្មការគ្រប់គ្រងឈូងសមុទ្រ Ha Long កំពុងជម្នះជាបន្ទាន់នូវផលវិបាកនៃព្យុះ ហើយនឹងមានក្ដីប្រកាសអំពីការទទួលស្វាគមន៍ភ្ញៀវក្នុងពេលឆាប់ៗនេះ៕

បកប្រែដោយ Thuy Anh