បន្តលើកកំពស់តម្លៃបេតិកភណ្ឌរបស់ឈូងសមុទ្រហាឡុង

ក្នុងពិធីនេះ ថ្នាក់ដឹកនាំទីក្រុងបានអះអាងថា ចាប់តាំងពីត្រូវបានលើកតម្កើងមក ឆ្នេរសមុទ្រហាឡុង បានរួមចំណែកយ៉ាងសំខាន់ក្នុងការធ្វើឱ្យវិស័យទេសចរណ៍ក្លាយជាសសរស្តម្ភនៃការអភិវឌ្ឍសេដ្ឋកិច្ចរបស់ខេត្ត លើកកំពស់ជីវភាពរស់នៅរបស់ប្រជាជន។ ទន្ទឹមនឹងនោះ គឺជាស្ពានតភ្ជាប់ទំនាក់ទំនងការបរទេសរវាងខេត្ត ក្វាង និញនៃប្រទេសវៀតណាមជាមួយមិត្តភ័ក្តិនិងដៃគូអន្តរជាតិ។ 

ពិធីអបអរសាទរខួបលើកទី ៣០ នៃឈូងសមុទ្រ ហាឡុង ត្រូវបាន UNESCO លើកតម្កើងជាបេតិកភណ្ឌធម្មជាតិពិភពលោកជាលើកដំបូង (រូបថត៖ VOV)

ក្នុងរយៈពេល ៣០ ឆ្នាំកន្លងមកនេះ ខេត្ត ក្វាង និញ បានមានបទពិសោធន៍ដ៏មានតម្លៃជាច្រើនអំពីទំនាក់ទំនងជិតស្និទ្ធរវាងការអភិរក្សនិងពង្រីកតម្លៃនៃបេតិកភណ្ឌ ហើយកំពុងដាក់ជូនរដ្ឋាភិបាលនូវផែនការអភិរក្ស ស្តារ និងលើកកំពស់តម្លៃបេតិកភណ្ឌ ឈូងសមុទ្រហាឡុង ដំណាក់កាលថ្មី។  តាមនោះ បេតិកភណ្ឌត្រូវបានបន្តពង្រីកទៅកាន់ទីក្រុង ហាយ ហ្វុង ឈូងសមុទ្រ ហាឡុង- កោះ កាត ប៉ា ដែលជាបេតិកភណ្ឌពិភពលោកដំបូងគេរបស់វៀតណាម ស្ថិតនៅលើព្រំប្រទល់រដ្ឋបាលនៃខេត្តចំនួន ២ ឬច្រើនជាងនេះ។ ដូច្នេះ ខេត្ត ក្វាង និញ បន្តម្ចាស់ការ និងជំរុញទំនាក់ទំនងកាន់តែរឹងមាំជាមួយ ហាយ ហ្វុង ដើម្បីអភិរក្សបេតិកភណ្ឌ ការពារបរិស្ថានអេកូឡូស៊ី អនុវត្តវិទ្យាសាស្ត្រនិងបច្ចេកវិទ្យា ព្រមទាំងផ្សព្វផ្សាយនិងសហប្រតិបត្តិការអន្តរជាតិអំពីបេតិកភណ្ឌ ទាក់ទាញការជួយគាំទ្រក្នុងការគ្រប់គ្រងបេតិកភណ្ឌ៕

តាម vovworld.vn