ផ្សព្វផ្សាយវប្បធម៌វៀតណាម និងឥណ្ឌា
កប.អនឡាញ - គ្រូបង្វឹកនិងសិក្ខាកាមចំនួន ៥០០ នាក់ មកពីក្លឹបយូហ្គាក្នុងស្រុក និងអន្តរជាតិបានចូលរួមសម្តែងក្រោមប្រធានបទ "យូហ្គាក្នុងអ័ព្ទ" ។
នេះជាចំណុចលេធ្លោក្នុងពិធីរំលឹកទី ១០ នៃទិវាយូហ្គាអន្តរជាតិដែលរៀបចំដោយគណៈកម្មាធិការប្រជាជនខេត្ត Lao Cai (វៀតណាម) សហការជាមួយស្ថានទូតឥណ្ឌាប្រចាំនៅវៀតណាម និងសហព័ន្ធយូហ្គាវៀតណាម នាថ្ងៃទី ២២ មិថុនា នៅសួនវប្បធម៌បណ្ដាជនជាតិនៅទីរួមខេត្ត Sapa ខេត្ត Lao Cai ។
កម្មវិធីនេះបានទាក់ទាញមនុស្សរាប់ពាន់នាក់មកចូលរួម និងគាំទ្រ។ នៅទីនេះ អ្នកទាំងអស់គ្នាបានទស្សនាកម្មវិធីសម្តែងសិល្បៈរបស់សិល្បករវៀតណាម និងឥណ្ឌា ព្រមទាំងបានស្វែងយល់ផលិតផលថែទាំសុខភាព ផលិតផលវប្បធម៌ប្រចាំតំបន់ របស់បណ្ដាជនជាតិនៅខេត្ត Lao Cai។
ក្រៅពីនេះ ដើម្បីបង្កើតផលិតផលទេសចរណ៍ថ្មី ទាក់ទាញភ្ញៀវទេសចរនោះ មូលដ្ឋានបានចាប់ផ្តើមដំណើរកំសាន្ដយូហ្គាជាផ្លូវការនៅ Sa Pa ឆ្នាំ ២០២៤៕
បកប្រែដោយ Pham Diep