កាសែតអាមេរិកជ្រើសរើសសណ្ឋាគារចំនួន ៧ ល្អបំផុតនៅវៀតណាម

លក្ខណៈវិនិច្ឆ័យមួយចំនួនសម្រាប់ការជ្រើសរើសគឺថ្មី ប្រណិត ទទួលបានការវិនិយោគជាច្រើន ជាមួយនឹងឆ្នេរសមុទ្រលាតសន្ធឹង និងស្ថាបត្យកម្មរចនាបថក្នុងស្រុកដែលជានិមិត្ដសញ្ញាអំពីប្រវត្តិសាស្ត្ររបស់ប្រជាជាតិ។

Resort Amanoi មានទីតាំងស្ថិតនៅឈូងសមុទ្រ Vinh Hy ដែលជាឆ្នេរសមុទ្រដ៏ស្រស់ស្អាតបំផុតមួយនៅក្នុងប្រទេសវៀតណាម (រូបថត៖ tapchicongthuong.vn)

យោងតាមបញ្ជីបោះឆ្នោតជ្រើសរើសពីអ្នកជំនាញរបស់ CnTraveler បានបង្ហាញថា សណ្ឋាគារ Amanoi នៅឈូងសមុទ្រ Vinh Hy (ខេត្ដ Ninh Thuan ភាគកណ្ដាលវៀតណាម)។ នៅទីនេះមានវីឡាដែលមានទីតាំងនៅលើភ្នំជុំវិញឧទ្យានជាតិ Nui Chua។ បន្ទាប់គឺសណ្ឋាគារ Azerai នៅទីក្រុង Can Tho ដែលមានទីតាំងនៅលើកោះតូចមួយនៅទន្លេ Hau និងហ៊ុំព័ទ្ធដោយព្រៃ ដែលមានចម្ងាយ ១.៥ គីឡូម៉ែត្រ ពីកំពង់ផែ Ninh Kieu។

Capella - សណ្ឋាគារដែលមានទីតាំងស្ថិតនៅកណ្តាលទីក្រុងហាណូយជាប់ចំណាត់ថ្នាក់លេខ ៣។ មានទីតាំងនៅលើឧបទ្វីប Son Tra ទីក្រុង Da Nang គឺ InterContinental Sun Peninsula Resort ជាប់ចំណាត់ថ្នាក់លេខ ៤។ ជាប់ចំណាត់ថ្នាក់លេខ ៥ គឺសណ្ឋាគារ Zanier វាលផ្កាថ្មនៅ Phu Yen; ហើយបន្ដជាសណ្ឋាគារ Regent Phu Quoc នៅទីក្រុង Phu Quoc ខេត្ត Kien Giang និងសណ្ឋាគារ The Anam Mui Ne នៅទីក្រុង Phan Thiet ខេត្ត Binh Thuan វៀតណាម៕

បកប្រែដោយ Pham Diep