ស្វែងរកទិសដៅអភិវឌ្ឍឧស្សាហកម្មភាពយន្តនៅវៀតណាម និងអាស៊ីអាគ្នេយ៍
កប.អនឡាញ - ក្នុងឱកាសរំលឹកខួបលើកទី ៧០ នៃទិវាប្រពៃណីភាពយន្ដបដិវត្តន៍វៀតណាម (១៥ មីនា ១៩៥៣ / ១៥ មីនា ២០២៣) នាថ្ងៃទី ១៤ ខែមីនា នៅទីក្រុងហាណូយ សមាគមជំរុញការអភិវឌ្ឍន៍ភាពយន្តវៀតណាមបានសហការជាមួយស្ថានទូតដាណឺម៉ាក និងការិយាល័យ UNESCO ប្រចាំនៅវៀតណាមរៀបចំសិក្ខាសាលាអន្តរជាតិ “គោលនយោបាយ និងដំណោះស្រាយសម្រាប់ការអភិវឌ្ឍឧស្សាហកម្មភាពយន្តនៅវៀតណាម និងអាស៊ីអាគ្នេយ៍”។
មតិយោបល់ទាំងឡាយរបស់បណ្ដាប្រតិភូបានផ្តោតទៅលើបញ្ហាមួយចំនួនដូចជា៖ គោលនយោបាយជំរុញការអភិវឌ្ឍផលិតកម្មភាពយន្ត; គោលនយោបាយស្តីពីកិច្ចសហប្រតិបត្តិការអន្តរជាតិក្នុងការផ្សព្វផ្សាយ និងសហការផលិតភាពយន្ត។ អនុសាសន៍ស្តីពីគោលនយោបាយ និងវិធានការជំរុញការអភិវឌ្ឍន៍ម៉ាកយីហោភាពយន្តជាតិ។
ប្រតិភូទាំងឡាយបានរួមចំណែកដំណោះស្រាយជាក់ស្តែងក្នុងការលើកកំពស់សមត្ថភាពនិងបណ្តុះទេពកោសល្យភាពយន្ត ការចែកចាយភាពយន្តទៅក្រៅប្រទេស និងនៅលើប្រព័ន្ធឌីជីថលជាដើម..... សម្រាប់អ្នកគ្រប់គ្រង និងផលិតករភាពយន្តវៀតណាម និងអាស៊ីអាគ្នេយ៍ កសាងឧស្សាហកម្មភាពយន្តនៅក្នុងប្រទេសនីមួយៗ និងរួមគ្នាពង្រីកភាពយន្ដក្នុងតំបន់៕
បកប្រែដោយ Pham Diep