វៀតណាមជួយប្រទេសឡាវសម្រេចឯកសារនៃឧទ្យានជាតិ Hin Namno ដើម្បីបញ្ជូនទៅអង្គការ UNESCO
កប.អនឡាញ - យោងតាមព័ត៌មានពីក្រសួងវប្បធម៌ កីឡា និងទេសចរណ៍វៀតណាមឲ្យដឹងថា ក្រុមអ្នកជំនាញការនៃក្រសួងវប្បធម៌ កីឡា និងទេសចរណ៍វៀតណាមបានបំពេញទស្សនកិច្ចនៅប្រទេសឡាវក្នុងបំណងសម្រេចឯកសារនៃឧទ្យានជាតិ Hin Namno ដើម្បីបញ្ជូនទៅអង្គការ UNESCO ទទួលស្គាល់ជាបេតិកភណ្ឌធម្មជាតិពិភពលោក។
នេះជាសកម្មភាពមួយក្នុងចំណោមសកម្មភាពនៃផែនការសហប្រតិបត្តិការរវាងរដ្ឋាភិបាលនៃប្រទេសទាំងពីរវៀតណាមនិងឡាវ នៅឆ្នាំ២០២០។ ផែនការសកម្មភាព និងផែនការពាក់ព័ន្ធរបស់ក្រុមអ្នកជំនាញការត្រូវបានផ្ដល់សច្ចាប័នដោយក្រសួងវប្បធម៌ កីឡា និងទេសចរណ៍វៀតណាម។
    |
 |
|
ឧទ្យានជាតិ Hin Namno (រូបថត៖ IUCN) |
ឧទ្យានជាតិ Hin Namno គឺជាមណ្ឌលអភិរក្សធម្មជាតិនៅខេត្ត Khammouane ប្រទេសឡាវ ដោយមានផ្ទៃដីសរុបជាង ៨២ ម៉ឺនហិកតា។ នេះគឺជាដែនជំរករបស់រុក្ខជាតិ និងសត្វជាច្រើនប្រភេទ និងមានសក្តានុពលជាច្រើនក្នុងវិស័យទេសចរណ៍ធម្មជាតិដោយមានប្រព័ន្ធល្អាងថ្មកំបោរដ៏ស្រស់ស្អាត។
ជាពិសេស នៅឧទ្យានជាតិ Hin Namno ខាងកើតគឺជាឧទ្យានជាតិ Phong Nha - Ke Bang ខេត្ត Quang Binh ប្រទេសវៀតណាម។ បើសិនជាមណ្ឌលអភិរក្សធម្មជាតិទាំងពីរត្រូវបានតភ្ជាប់នឹងបង្កើតឡើងតំបន់ karster មួយក្នុងចំណោមតំបន់ karster ស្អាតជាងគេនៅលើពិភពលោក៕
បកប្រែដោយ Thuy Anh