ចំណាត់ថ្នាក់នៃសន្ទស្សន៍សុភមង្គលរបស់វៀតណាមនៅឆ្នាំ២០២០ ត្រូវបានកើនឡើង
កប.អនឡាញ - អង្គការសហប្រជាជាតិទើបតែប្រកាសចេញរបាយការណ៍សុភមង្គលពិភពលោក ក្នុងនោះវៀតណាមនៅចំណាត់ថ្នាក់លេខ ៨៣។
ចំណាត់ថ្នាក់នៃសន្ទស្សន៍សុភមង្គលរបស់វៀតណាមនៅឆ្នាំ ២០២០ បានកើនឡើងបើធៀបនឹងឆ្នាំ២០១៩ (នៅចំណាត់ថ្នាក់លេខ៩៤)។ របាយការណ៍សុភមង្គលពិភពលោកត្រូវបានរៀបចំជាប្រចាំឆ្នាំដោយបណ្តាញដំណោះស្រាយសម្រាប់ការអភិវឌ្ឍប្រកបដោយចីរភាពរបស់អង្គការសហប្រជាជាតិ។ របាយការណ៍បានវាយតម្លៃសន្ទស្សន៍សុភមង្គលរបស់ប្រទេសចំនួន ១៥៦ ដោយផ្អែកលើលក្ខណៈវិនិច្ឆ័យចំនួន ៦ រួមមាន៖ ប្រាក់ចំណូលរបស់ប្រជាជន សេរីភាព ជំនឿទុកចិត្ត អាយុយឺនយូរ ការជួយគាំទ្រសង្គម និងសប្បុរសធម៌។ ប្រទេសហ្វាំងឡង់បន្តនៅចំណាត់ថ្នាក់លេខ១ក្នុងរបាយការណ៍នេះ៕
បកប្រែដោយ Thuy Anh