COP៣០៖ ប្រទេសជាង ៣០ ប្រឆាំងជំទាស់​​នឹងសេចក្តីព្រាងឯកសារ ដោយសារតែខ្វះផែនទីបង្ហាញផ្លូវដើម្បីលុបបំបាត់ឥន្ធនៈហ្វូស៊ីល

នៅក្នុងសារលិខិតនេះ បណ្តាប្រទេសអឺរ៉ុប អាមេរិកឡាទីន អាស៊ី និងប្រទេសកោះប៉ាស៊ីហ្វិកជាច្រើនបានឲ្យដឹងថា មិនអាចទទួលយកលទ្ធផល COP ដែលខ្វះផែនទីបង្ហាញផ្លូវសម្រាប់ការផ្លាស់ប្តូរថាមពលដោយយុត្តិធម៌ និងមានសណ្តាប់ធ្នាប់នោះទេ។

រូបថត៖ Getty Images

ប្រទេសទាំងនេះក៏បានឲ្យដឹងថា សេចក្តីព្រាងបច្ចុប្បន្នមិនបានបំពេញតាមលក្ខណៈវិនិច្ឆ័យសម្រាប់លទ្ធផលនៃសន្និសីទដែលអាចទុកចិត្តបាននោះទេ។ យោងតាមសេចក្តីព្រាងថ្មីបំផុត ដែលប្រព័ន្ធផ្សព្វផ្សាយលោកខាងលិចទទួលបាន សេចក្តីព្រាងនេះមិនបាននិយាយអំពីឥន្ធនៈហ្វូស៊ីលនោះទេ ទោះបីនេះជាអាទិភាពមួយដែលត្រូវបានសង្កត់ធ្ងន់ម្តងហើយម្តងទៀតដោយប្រធានាធិបតីប្រទេសម្ចាស់ផ្ទះ លោក Luiz Inacio Lula da Silva តាំងពីដើមសន្និសីទក៏ដោយ។

COP៣០ គ្រោងនឹងបញ្ចប់នៅថ្ងៃទី ២១ ខែវិច្ឆិកា ប៉ុន្តែគ្រោះអគ្គីភ័យមួយបានកើតឡើងនៅកន្លែងប្រជុំ បង្ខំឱ្យវគ្គពិភាក្សានៅថ្ងៃទី ២០ ខែវិច្ឆិកាត្រូវបញ្ចប់មុនកាលកំណត់៕

តាម vovworld.vn