អបអរសាទរទិវាវិទ្យុពិភពលោកឆ្នាំ២០២៦

ដើម្បីឆ្លើយតបទៅនឹងប្រធានបទឆ្នាំនេះ ស្ថានីយ៍វិទ្យុជាច្រើននៅជុំវិញពិភពលោកកំពុងរៀបចំការផ្សាយរួមគ្នា ការពិភាក្សាជាក្រុម និងវេទិកាវិជ្ជាជីវៈ។

នៅឯបុរីវ៉ាទីកង់ វិទ្យុ Vaticana – Vatican News កំពុងដាក់ឱ្យដំណើរការគំនិតផ្តួចផ្តើមពិសេសមួយជាភាសាចំនួនប្រាំពីរ ជាមួយនឹងកម្មវិធីវិទ្យុចំនួនប្រាំពីរ ដែលចេញផ្សាយជាផតខាសប្រធានបទស្តីពីអនាគតនៃវិទ្យុ នវានុវត្តន៍ និងទំនាក់ទំនងរវាងប្រព័ន្ធផ្សព្វផ្សាយ សង្គម និង AI។

លោក Dan Santa អនុប្រធានសមាគមផ្សព្វផ្សាយអន្តរជាតិ (រូបថតអេក្រង់/vov.vn)

នៅប្រទេសអ៊ីតាលី ស្ថានីយ៍វិទ្យុកំពុងសហការគ្នាលើកម្មវិធីផ្សាយបន្តផ្ទាល់ (ទម្រង់នៃការផ្សាយខ្លឹមសារដូចគ្នាក្នុងពេលដំណាលគ្នានៅលើប៉ុស្តិ៍ ឬវេទិកាច្រើន) ដែលពិភាក្សាអំពី AI និងក្រមសីលធម៌ប្រព័ន្ធផ្សព្វផ្សាយ។ នៅប្រទេសហ្ស៊កដានីនិងអូស្ត្រាលី អ្នកផ្សាយរៀបចំសកម្មភាពសហគមន៍ ដោយសង្កត់ធ្ងន់លើតួនាទីភ្ជាប់ទំនាក់ទំនងសង្គមនៃសំឡេងផ្ទាល់។ ខណៈពេលដែលអង្គការផ្សាយឌីជីថលជាច្រើនធ្វើការបណ្តុះបណ្តាល និងបង្ហាញពីការអនុវត្ត AI ក្នុងការផលិតខ្លឹមសារ។

ទោះបីជាបច្ចេកវិទ្យាកំពុងបើកវិធីសាស្រ្តផលិតកម្មថ្មីក៏ដោយ អ្នកជំនាញអះអាងថា តម្លៃស្នូលនៃការផ្សាយនៅតែស្ថិតនៅក្នុងវត្តមាន និងការទទួលខុសត្រូវរបស់មនុស្ស៕

តាម vovworld.vn