ទួរគីត្រៀមខ្លួនជាស្រេចដើម្បីសម្របសម្រួលការចរចារវាងអាមេរិក និងអ៊ីរ៉ង់

លោក Erdogan បានសង្កត់ធ្ងន់ថា ទួរគីនឹងជួយ "បន្ថយកម្តៅ" នៃភាពតានតឹង និងការដោះស្រាយបញ្ហារវាងប្រទេសទាំងពីរ។ នៅថ្ងៃដដែលនោះ ថ្លែងនៅក្នុងសន្និសីទកាសែតជាមួយសមភាគីអ៊ីរ៉ង់គឺលោក Abbas Araghchi នៅទីក្រុងអ៊ីស្តង់ប៊ុល រដ្ឋមន្ត្រីការបរទេសទួរគី លោក Hakan Fidan បានបញ្ជាក់ថា "ការបន្តការចរចានុយក្លេអ៊ែររវាងអ៊ីរ៉ង់ និងសហរដ្ឋអាមេរិក គឺចាំបាច់ណាស់ ដើម្បីកាត់បន្ថយភាពតានតឹងនៅក្នុងតំបន់"។

ប្រធានាធិបតីទួរគី លោក Recep Tayyip Erdogan (រូបថត៖ Reuters)

នាថ្ងៃដដែល  ប្រធានាធិបតីអាមេរិក លោក Donald Trump បានបន្តទាមទារឱ្យអ៊ីរ៉ង់ធ្វើការចរចា ឬប្រឈមមុខនឹងដំណោះស្រាយយោធា។ ប្រមុខ សេតវិមានបានសង្កត់ធ្ងន់ថា លោកបានធ្វើកិច្ចចរចាជាមួយអ៊ីរ៉ង់ ហើយនឹងបន្តការសន្ទនា។ យោងតាមលោក ភាគីអាមេរិកបានលើកលក្ខខណ្ឌចំនួនពីរ គឺទីក្រុងតេអេរ៉ង់ត្រូវបញ្ឈប់ការអភិវឌ្ឍអាវុធនុយក្លេអ៊ែរ និងមិនប្រើប្រាស់ហិង្សាដើម្បីប្រឆាំងនឹងក្រុមបាតុករក្នុងស្រុក៕

តាម vovworld.vn