អាស៊ាន-ជប៉ុន បង្កើនកិច្ចសហប្រតិបត្តិការលើវិស័យអភិវឌ្ឍទីក្រុងឆ្លាត
កប.អនឡាញ - នៅក្នុងកិច្ចប្រជុំជាន់ខ្ពស់ស្ដីពីបណ្ដាញទីក្រុងឆ្លាតអាស៊ាន-ជប៉ុន លើកទី២ ដែលត្រូវបានរៀបចំតាមប្រព័ន្ធវីដេអូ នាថ្ងៃទី១៦ ខែធ្នូ អគ្គលេខាធិការសមាគមប្រជាជាតិអាស៊ីអាគ្នេយ៍ (អាស៊ាន) លោក Dato Lim Jock Hoi បានវាយតម្លៃខ្ពស់ចំពោះការដឹកនាំ និងកិច្ចសន្យាក្នុងការអភិវឌ្ឍទីក្រុងឆ្លាត របស់រដ្ឋាភិបាលវៀតណាមក្នុងនាមជាប្រធានបណ្ដាញទីក្រុងឆ្លាតអាស៊ាន (ASCN) ឆ្នាំ២០២០។