អាស៊ានបញ្ជាក់ពីសាមគ្គីភាពជាមួយបណ្តាប្រទេសនៅក្នុងតំបន់ដែលរងផលប៉ះពាល់ដោយទឹកជំនន់
កប.អនឡាញ - ប្រឈមមុខនឹងព្យុះដែលអូសបន្លាយ និងបង្កការបាត់បង់ខូចខាតយ៉ាងធ្ងន់ធ្ងរដល់អាយុជីវិត និងទ្រព្យសម្បត្តិនៅប្រទេសមួយចំនួនក្នុងតំបន់នោះ នាថ្ងៃទី ២៧ ខែតុលា រដ្ឋមន្រ្តីការបរទេសអាស៊ាន បានចេញសេចក្តីថ្លែងការណ៍ស្តីពីស្ថានភាពទឹកជំនន់ និងឧប្បត្តិហេតុរអិលបាក់ដីនៅបណ្តាប្រទេសអាស៊ីអាគ្នេយ៍។
នៅក្នុងសេចក្តីថ្លែងការណ៍ អាស៊ានបានចែករំលែកទុក្ខយ៉ាងក្រៀមក្រំចំពោះការបាត់បង់អាយុជីវិត និងទ្រព្យសម្បត្តិយ៉ាងសម្បើម ក៏ដូចជាផលប៉ះពាល់ដល់អាយុជីវិតដែលបណ្តាលមកពីទឹកជំនន់ និងឧប្បត្តិហេតុរអិលបាក់ដីនៅវៀតណាម កម្ពុជា ឡាវ ហ្វីលីពីន និងថៃ។ អាស៊ានបានបញ្ជាក់ពីសាមគ្គីភាពជាមួយរដ្ឋាភិបាល និងប្រជាជននៃបណ្តាប្រទេសដែលរងផលប៉ះពាល់ ព្រមទាំងត្រៀមខ្លួនជាស្រេចផ្តល់ជំនួយជាចាំបាច់នៅគ្រាដ៏លំបាកនេះ៕
បកប្រែដោយ Huyen Trang