ប្រទេសជាច្រើនប្រកាសបន្តគាំទ្រអ៊ុយក្រែន

នៅថ្ងៃទី ៤ ខែមីនា ចក្រភពអង់គ្លេសបានប្រកាសថា ខ្លួន "ផ្តោត" លើការធានាសន្តិភាពនៅអ៊ុយក្រែន។ ថ្លែងទៅកាន់ប្រព័ន្ធផ្សព្វផ្សាយ ឧបនាយករដ្ឋមន្ត្រីអង់គ្លេស លោកស្រី Angela Rayner បានឲ្យដឹងថា រដ្ឋាភិបាលអង់គ្លេសកំពុងផ្តោតលើការគាំទ្រអ៊ុយក្រែន និងកំពុងធ្វើការដើម្បីនាំសហរដ្ឋអាមេរិកទៅកាន់តុចរចាជាមួយដៃគូអឺរ៉ុប និងអ៊ុយក្រែន។

នាយករដ្ឋមន្ត្រីអង់គ្លេស Keir Starmer (កណ្តាល) ប្រធានាធិបតីបារាំង Emmanuel Macron (ឆ្វេង) និងប្រធានាធិបតីអ៊ុយក្រែន Volodymyr Zelensky ចូលរួមកិច្ចប្រជុំកំពូលអឺរ៉ុបស្តីពីអ៊ុយក្រែន នៅទីក្រុងឡុងដ៍ (ចក្រភពអង់គ្លេស) ថ្ងៃទី ២ ខែមីនា ឆ្នាំ ២០២៥  (រូបថត៖  vnanet.vn)

នាថ្ងៃដដែល រដ្ឋមន្ត្រីការពារជាតិឆែក Jana Cernochova បានចាត់ទុកការផ្អាកជំនួយយោធារបស់អាមេរិកដល់អ៊ុយក្រែនជារឿងគួរឲ្យសោកស្តាយ ហើយសង្ឃឹមថាប្រធានាធិបតីអ៊ុយក្រែន Volodymyr Zelensky និងប្រធានាធិបតីអាមេរិក Donald Trump អាចស្វែងរកចំណុចរួមបានឆាប់តាមដែលអាចធ្វើបាន ហើយថា ទីក្រុងវ៉ាស៊ីនតោននឹងស្តារការគាំទ្រសម្រាប់ទីក្រុង Kiev។

អ្នកនាំពាក្យក្រសួងការបរទេសកូរ៉េខាងត្បូង លោក Lee Jae Woong បានឲ្យដឹងថា ទីក្រុងសេអ៊ូលកំពុងតាមដានយ៉ាងដិតដល់នូវការវិវឌ្ឍន៍ទាក់ទងនឹងស្ថានភាពនៅអ៊ុយក្រែន។ កូរ៉េខាងត្បូងនឹងបន្តកិច្ចខិតខំប្រឹងប្រែងរបស់ខ្លួនដើម្បីគាំទ្រដល់ការស្ដារឡើងវិញយ៉ាងឆាប់រហ័សនូវសន្តិភាព និងការកសាងឡើងវិញនៅអ៊ុយក្រែន។

ទន្ទឹមនឹងនេះ អ្នកនាំពាក្យវិមានក្រឹមឡាំង លោក Dmitry Peskov បានប្រកាសថា ការបញ្ឈប់ការឧបត្ថម្ភផ្នែកយោធាសម្រាប់អ៊ុយក្រែន “អាចក្លាយជាការរួមចំណែកដ៏ល្អបំផុតចំពោះសន្តិភាព”៕

តាម vovworld.vn