សហរដ្ឋអាមេរិកដកខ្លួនចេញពីក្រុមប្រឹក្សាសិទ្ធិមនុស្សអង្គការសហប្រជាជាតិ
នាថ្ងៃទី ៤ ខែកុម្ភៈ (ម៉ោងក្នុងស្រុក) លោក Donald Trump ប្រធានាធិបតីអាមេរិក បានចុះហត្ថលេខាលើបទបញ្ជានីតិប្រតិបត្តិមួយដកសហរដ្ឋអាមេរិកចេញពីទីភ្នាក់ងារអង្គការសហប្រជាជាតិចំនួនពីរគឺក្រុមប្រឹក្សាសិទ្ធិមនុស្ស (UNHRC) និងទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅជិតបូព៌ា (UNRWA)។
ហើយបានអំពាវនាវឱ្យមានការពិនិត្យឡើងវិញអំពីការចូលរួមរបស់សហរដ្ឋអាមេរិកនៅក្នុងអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO)។
|
|
លោក Donald Trump ចុះហត្ថលេខាលើបទបញ្ជាប្រតិបត្តិមួយដកសហរដ្ឋអាមេរិកចេញពីទីភ្នាក់ងារមួយចំនួននៃអង្គការសហប្រជាជាតិ (រូបថត៖ AFP) |
យោងតាមមន្ត្រីសេតវិមាន Will Scharf ក្រឹត្យរបស់ប្រធានាធិបតី Trump ក៏រួមបញ្ចូលផងដែរនូវសំណើដើម្បី "ពិនិត្យឡើងវិញ" ការផ្តល់មូលនិធិរបស់សហរដ្ឋអាមេរិកសម្រាប់អង្គការសហប្រជាជាតិដោយសារតែ "ភាពខុសគ្នាធំ" នៅក្នុងកម្រិតមូលនិធិក្នុងចំណោមរដ្ឋជាសមាជិក។ បច្ចុប្បន្ន សហរដ្ឋអាមេរិក គឺជាអ្នកផ្តល់ជំនួយដ៏ធំបំផុតដល់អង្គការសហប្រជាជាតិ។
អង្គការសហប្រជាជាតិមិនបានធ្វើអត្ថាធិប្បាយលើចំណាត់ការ របស់លោកប្រធានាធិបតី Trump ទេ។ សហរដ្ឋអាមេរិកគឺជាសមាជិកអចិន្ត្រៃយ៍មួយក្នុងចំណោមសមាជិកអចិន្ត្រៃយ៍ទាំងប្រាំនៃក្រុមប្រឹក្សាសន្តិសុខអង្គការសហប្រជាជាតិ ដែលជាស្ថាប័នមានសមាជិកចំនួន ១៥ ដែលមានអំណាចខ្ពស់បំផុតរបស់អង្គការសហប្រជាជាតិ ត្រូវបានផ្តល់ការទទួលខុសត្រូវចម្បងដោយអង្គការសហប្រជាជាតិសម្រាប់ការរក្សាសន្តិភាព និងសន្តិសុខអន្តរជាតិ៕
តាម vovworld.vn