យោធភូមិភាគទី១៖ ត្រួតពិនិត្យការត្រៀមទទួលយុទ្ធជនថ្មី

លោកឧត្តមសេនីយ៍ទោ Nguyen Hong Thai ត្រួតពិនិត្យការច្នៃប្រឌិតក្នុងបច្ចេកទេសនៅកងពលតូចលេខ ៤០៩

តាមរយៈការត្រួតពិនិត្យ ក្រុមការងារបានវាយតម្លៃថា៖ អង្គភាពធានាបាននូវឯកសារ បរិក្ខារសម្រាប់ការហ្វឹកហ្វឺនស្របតាមបទប្បញ្ញត្តិ។ រៀបចំ និងជួសជុលទីលានហ្វឹកហាត់ បច្ចេកទេស ធានាបាននូវលក្ខខណ្ឌគ្រប់គ្រាន់សម្រាប់ការហ្វឹកហ្វឺនសម្រាប់ឆ្នាំ២០២៥។ ទន្ទឹមនឹងនោះ ពង្រឹងផ្ទះបាយ និងបង្កើនផលិតកម្ម ធានាការហ្វឹកហ្វឺន និងត្រៀមរៀបចំឧបករណ៍គ្រប់គ្រាន់សម្រាប់ការពិនិត្យសុខភាព…

លោកឧត្តមសេនីយ៍ទោ Nguyen Hong Thai ត្រួតពិនិត្យការច្នៃប្រឌិតក្នុងបច្ចេកទេសនៅកងពលតូចលេខ២១០

ថ្លែងក្នុងការត្រួតពិនិត្យ លោកឧត្តមសេនីយ៍ទោ Nguyen Hong Thai បានវាយតម្លៃខ្ពស់ចំពោះការត្រៀមរៀបចំទទួលយុទ្ធជនថ្មី និងត្រៀមហ្វឹកហ្វឺនសម្រាប់ឆ្នាំ ២០២៥ របស់កងពលតូចនាពេលកន្លងមក។ មេបញ្ជាការយោធភូមិភាគទី១ បានសំណូមពរដល់មេបញ្ជាការអង្គភាពផ្សព្វផ្សាយ និងអនុវត្តឲ្យបានម៉ឺងម៉ាត់នូវបទបញ្ជាការងារយោធា និងការពារជាតិរបស់ថ្នាក់លើ; រក្សាការត្រៀមខ្លួនប្រយុទ្ធនៅគ្រប់លំដាប់ថ្នាក់ បន្តបំពេញផែនការបណ្តុះបណ្តាលប្រចាំសប្តាហ៍ និងប្រចាំខែ ផែនការហ្វឹកហ្វឺន បំបន់ជំនាញដល់កម្មាភិបាល ស្រាវជ្រាវ កែលម្អបច្ចេកទេស ជួសជុល និងពង្រឹងប្រព័ន្ធទីលានហ្វឹកហ្វឺន ធានាបាននូវការហ្វឹកហ្វឺនតាមខ្លឹមសារ ព្រមទាំងធានាភុស្ដិ៍ភារ និងបច្ចេកទេសសម្រាប់ការហ្វឹកហ្វឺន និងការត្រៀមប្រយុទ្ធ។ រៀបចំឱ្យបានល្អនូវការត្រៀមរៀបចំ និងការទទួលយុទ្ធជនថ្មីនៅតាមមូលដ្ឋានក្នុងតំបន់ និងរៀបចំការហ្វឹកហ្វឺន បង្កើតបរិយាកាសប្រឡងប្រណាំងដ៏រស់រវើក ចាប់ពីថ្ងៃដំបូងនៃការហ្វឹកហ្វឺន៕

បកប្រែដោយ Pham Diep