លោកនាយឧត្តមសេនីយ៍ Phan Van Giang អញ្ជើញជាអធិបតីនៃកិច្ចប្រជុំក្រសួងការពារប្រទេសនៅដើមឆ្នាំថ្មីប្រពៃណីជាតិ ២០២៥

អញ្ជើញចូលរួមមានថ្នាក់ដឹកនាំអគ្គស្នងការដ្ឋាននយោបាយ និងអគ្គសេនាធិការដ្ឋាននៃកងទ័ពប្រជាជន និងថ្នាក់ដឹកនាំមកពីអង្គភាពនានានៃក្រសួងការពារប្រទេសផងដែរ។ កិច្ចប្រជុំតាមប្រព័ន្ធវីដេអូបានតភ្ជាប់ជាមួយទីតាំងចំនួន ៥៦ ក្នុងកងទ័ពទាំងមូល។

លោកនាយឧត្តមសេនីយ៍ Phan Van Giang ជូនពរឆ្នាំថ្មីដល់ថ្នាក់ដឹកនាំក្រសួងការពារប្រទេស

បន្ទាប់ពីបានស្តាប់ស្ថាប័ន និងអង្គភាពរាយការណ៍អំពីស្ថានភាពក្នុងប្រទេស និងកងទ័ពទាំងមូលក្នុងប៉ុន្មានថ្ងៃថ្មីៗនេះ លោកនាយឧត្តមសេនីយ៍ Phan Van Giang បានកោតសរសើរចំពោះអគ្គសេនាធិការដ្ឋាន និងអគ្គស្នងការដ្ឋាននយោបាយ និងអគ្គស្នងការដ្ឋាននានា ជាពិសេសក្រុមប្រចាំការនៅអង្គភាព និងកម្លាំងត្រៀមខ្លួនប្រយុទ្ធ កម្លាំងការពារអធិបតេយ្យភាពព្រំដែន និងកោះសមុទ្របានបំពេញល្អនូវភារកិច្ច អង្គភាពធានាបាននូវសុវត្ថិភាពជាដាច់ខាត។ កម្លាំងកងទ័ពអនុវត្ដភារកិច្ចប្រចាំការផង និងចូលរួមរៀបចំបុណ្យចូលឆ្នាំថ្មីប្រពៃណីជាតិសម្រាប់ប្រជាជននៅតំបន់ដាច់ស្រយាលផង។ ក្នុងស្មារតីទទួលខុសត្រូវខ្ពស់បំផុត កងទ័ពទាំងមូលបានបំពេញភារកិច្ចរបស់ខ្លួនបានយ៉ាងល្អក្នុងរយៈពេលប៉ុន្មានថ្ងៃកន្លងមកនេះ។

លោករដ្ឋមន្ត្រី Phan Van Giang បានសង្កត់ធ្ងន់ថា ឆ្នាំ ២០២៤  ទើបនឹងកន្លងផុតទៅជាមួយនឹងព្រឹត្តិការណ៍សំខាន់ៗជាច្រើនរបស់ប្រទេស។ កងទ័ពបានរៀបចំដោយជោគជ័យនូវសកម្មភាពអបអរសាទរខួបលើកទី ៧០ នៃជ័យជំនះ Dien Bien Phu និងសកម្មភាពមានអត្ថន័យជាច្រើន ដើម្បីអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល និងពិព័រណ៍ការពារអន្តរជាតិវៀតណាមឆ្នាំ ២០២៤ ដែលបន្សល់ទុកនូវចំណាប់អារម្មណ៍ដ៏ល្អក្នុងដួងចិត្តរបស់ប្រជាជន និងមិត្តអន្តរជាតិ។

លោកនាយឧត្តមសេនីយ៍ Phan Van Giang អញ្ជើញជាអធិបតីក្នុងកិច្ចប្រជុំក្រសួងការពារប្រទេស

ទាក់ទិននឹងភារកិច្ចនាពេលខាងមុខ លោកនាយឧត្តមសេនីយ៍ Phan Van Giang បានស្នើឱ្យកងទ័ពទាំងមូលខិតខំបំពេញភារកិច្ចឱ្យបានល្អចាប់ពីថ្ងៃដំបូងនៃឆ្នាំថ្មី។ ការងារសំខាន់ៗមួយចំនួនដែលត្រូវអនុវត្តជាបន្ទាន់គឺ៖ កងទ័ពទាំងមូលបន្តរៀបចំឲ្យកម្មាភិបាលនិងយុទ្ធជនទទួលអំណរឆ្នាំថ្មីប្រកបដោយភាពរីករាយ សុវត្ថិភាព សន្សំសំចៃ និងត្រៀមប្រយុទ្ធខ្ពស់ កុំឲ្យមានភាពអសកម្ម ឬ ជាយថហេតុក្នុងស្ថានភាពណាមួយឡើយ។ ត្រៀមរៀបចំការប្រគល់និងទទួលយុទ្ធជនថ្មីតាមផែនការ ធានាគុណភាពនិងសម្រេចតាមគោលដៅ។ រៀបចំការហ្វឹកហ្វឺនឱ្យបានល្អនៅគ្រប់លំដាប់ថ្នាក់ និងត្រៀមរៀបចំយ៉ាងហ្មត់ចត់សម្រាប់ការហ្វឹកហ្វឺនឆ្នាំ២០២៥ ធានាការហ្វឹកហ្វឺន និងការបណ្ដុះបណ្ដាល និងត្រៀមខ្លួនប្រយុទ្ធកាន់តែមានប្រសិទ្ធភាពខ្ពស់ ។

ថ្នាក់ដឹកនាំអគ្គស្នងការដ្ឋាននយោបាយ និងអគ្គសេនាធិការនៃកងទ័ពប្រជាជននិងថ្នាក់ដឹកនាំមកពីអង្គភាពនានានៃក្រសួងការពារប្រទេសអញ្ជើញចូលរួមកិច្ចប្រជុំ

ដោយសង្កត់ធ្ងន់ថា ឆ្នាំ ២០២៥ មានសារៈសំខាន់បំផុត ដោយសម្រេចបាននូវគោលដៅ និងភារកិច្ចនៃអាណត្តិ ២០២០-២០២៥ លោកនាយឧត្តមសេនីយ៍ Phan Van Giang បានស្នើឱ្យកងទ័ពទាំងមូលលើកកម្ពស់ប្រពៃណីវីរភាព និងសាមគ្គីភាព ជំនះការលំបាកដោយម្ចាស់ការ ខិតខំសម្រេចបានជោគជ័យនូវភារកិច្ចនិងគោលដៅដែលបានកំណត់ដោយសេចក្តីសម្រេចចិត្តនៃមហាសន្និបាតបក្សភាគកងទ័ពលើកទី ១១ និងសេចក្តីសម្រេចចិត្តចិត្ដដឹកនាំភារកិច្ចយោធា ការពារជាតិឆ្នាំ ២០២៥ របស់គណៈកម្មាធិការបក្សយោធាមជ្ឈិម; រួមចំណែកជាមួយបក្សទាំងមូល និងប្រជាជនទាំងអស់ ដើម្បីការពារមាតុភូមិយ៉ាងរឹងមាំ នាំប្រទេសជាតិឆ្ពោះទៅកាន់យុគសម័យថ្មី យុគសម័យនៃការអភិវឌ្ឍន៍ និងវិបុលភាព៕

បកប្រែដោយ Pham Diep