នីហ្សេ ម៉ាលី និងបួគីណាហ្វាសូ ដកខ្លួនចេញពី ECOWAS ជាផ្លូវការ

សម័យប្រជុំជាប្រចាំលើកទី ៦៥ របស់ប្រមុខរដ្ឋ និងរដ្ឋាភិបាល ECOWAS នៅទីក្រុង Abuja ប្រទេសនីហ្សេរីយ៉ា ថ្ងៃទី ៧ ខែកក្កដា ឆ្នាំ ២០២៤

សហគមន៍សេដ្ឋកិច្ចអាហ្វ្រិកខាងលិច (ECOWAS) បានបញ្ជាក់នៅថ្ងៃទី ២៩ ខែមករា ថា ប្រទេស Sahel ចំនួនបីគឺ នីហ្សេ ម៉ាលី និងប៊ូគីណាហ្វាសូបានដកខ្លួនចេញពីប្លុកនេះជា ផ្លូវការ។ យោងតាមសេចក្តីប្រកាសរបស់ ECOWAS ប្លុកនេះនឹងនៅតែបើកចំហទ្វារសម្រាប់ ប្រទេសណាមួយក្នុងចំណោមប្រទេស Sahel ទាំងបី ប្រសិនបើពួកគេសម្រេចចិត្តវិលត្រឡប់ មកវិញ។ លើសពីនេះ ECOWAS ក៏បានស្នើឱ្យប្រទេសសមាជិកផ្សេងទៀត បន្តផ្តល់សិទ្ធិ សមាជិកភាពដល់ប្រទេសទាំងបីដែលទើបតែចាកចេញ រួមទាំងសិទ្ធិធ្វើដំណើរដោយ សេរីនៅក្នុងតំបន់ដោយលិខិតឆ្លងដែន ECOWAS។

នេះជាលើកដំបូងក្នុងប្រវត្តិសាស្ត្ររបស់ ECOWAS ដែលមានប្រទេសសមាជិកដកខ្លួនចេញពីប្លុក។ ចាប់តាំងពីការបង្កើតឡើងក្នុងឆ្នាំ ១៩៧៥ ក្នុងគោលបំណងជំរុញសមាហរណ កម្មសេដ្ឋកិច្ចក្នុងតំបន់មក ECOWAS ជានិច្ចកាលត្រូវបានចាត់ទុកថា ជាអង្គការនយោបាយ និងសេដ្ឋកិច្ចតំបន់ឈានមុខគេនៅអាហ្វ្រិកខាងលិច៕

តាម vovworld.vn