leftcenterrightdel
រទេស G7 ព្រួយបារម្ភអំពីស្ថានការណ៍នៅសាធារណរដ្ឋប្រជាធិបតេយ្យកុងហ្គោ (រូបថត៖ Getty)

សេចក្តីថ្លែងការណ៍រួមបានអំពាវនាវឱ្យបញ្ឈប់គ្រប់ទម្រង់នៃការគាំទ្រដោយផ្ទាល់ និងដោយប្រយោលដល់ M23 ក៏ដូចជាក្រុមប្រដាប់អាវុធក្រៅរដ្ឋទាំងអស់នៅក្នុងសាធារណរដ្ឋប្រជាធិបតេយ្យកុងហ្គោ។ សេចក្តីថ្លែងការណ៍រួមបានសង្កត់ធ្ងន់ថា ការវាយប្រហារទាំងនេះ គឺជាទង្វើដែលបំផ្លាញអធិបតេយ្យភាពនិងបូរណភាពទឹកដីនៃសាធារណរដ្ឋប្រជាធិបតេយ្យកុងហ្គោ ហើយបានថ្កោលទោសចំពោះចេតនារបស់ M23 ក្នុងការពង្រីកជម្លោះទៅកាន់ខេត្ត Kivu ភាគខាងត្បូង។

រដ្ឋមន្ត្រីការបរទេស G7 បានសម្តែងការសោកស្តាយចំពោះផលវិបាកដ៏សាហាវនៃការវាយប្រហារដោយក្រុមប្រដាប់អាវុធ M23 ដែលធ្វើឱ្យស្ថានការណ៍មនុស្សធម៌កាន់តែធ្ងន់ធ្ងរនៅក្នុងសាធារណរដ្ឋប្រជាធិបតេយ្យកុងហ្គោ បានបណ្តាលឱ្យមនុស្សជាច្រើននាក់ត្រូវស្លាប់ និងមនុស្សរាប់សែននាក់ត្រូវភៀសខ្លួន។ រដ្ឋមន្ត្រីការបរទេស G7 អំពាវនាវឱ្យធានាថា ខ្សែផ្លូវផ្តល់ជំនួយមនុស្សធម៌នៅតែបើកចំហ សុវត្ថិភាពនិងគ្មានការរារាំង ដើម្បីគាំទ្រជនស៊ីវិល និងធានាសុវត្ថិភាពនៃបុគ្គលិកមនុស្សធម៌; ទាមទារឱ្យ M23 ដកកងកម្លាំងរបស់ខ្លួនចេញពីតំបន់កាន់កាប់ទាំងអស់ ហើយអំពាវនាវឱ្យភាគីទាំងអស់វិលត្រឡប់ទៅតុចរចា ដើម្បីរកដំណោះស្រាយដោយសន្តិវិធី និងបញ្ចប់ជម្លោះ៕

តាម vovworld.vn