OECD មានសុទិដ្ឋិនិយមចំពោះកំណើនសេដ្ឋកិច្ចពិភពលោក
កប.អនឡាញ - រ៉យទ័របានជូនដំណឹងឲ្យដឹងថា អង្គការសម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (OECD) បានចេញផ្សាយរបាយការណ៍ថ្មីៗស្តីពីទស្សនវិស័យសេដ្ឋកិច្ចពិភពលោក ដែលក្នុងនោះបានដំឡើងកំណើនដល់ ២.៦% នៅឆ្នាំនេះ បើប្រៀបធៀបនឹងតួលេខ ២.២ % ដែលបានចេញផ្សាយកាលពីចុងឆ្នាំមុន។
របាយការណ៍បានវាយតម្លៃថា សេដ្ឋកិច្ចពិភពលោកបាននឹងកំពុងមានភាពប្រសើរឡើង ក្នុងបរិបទដែលអតិផរណាបានធ្លាក់ចុះដោយសារសញ្ញាវិជ្ជមានជាច្រើន រួមទាំងការធ្លាក់ចុះតម្លៃអាហារ និងថាមពល ក៏ដូចជាការបន្ធូរបន្ថយវិធានការរឹតបន្តឹងដើម្បីការពារនិងគ្រប់គ្រងជំងឺរាតត្បាត Covid- 19 របស់ប្រទេសចិន។
ទោះជាយ៉ាងណាក៏ដោយ OECD សន្និដ្ឋានថា នៅតែមានកត្តាអវិជ្ជមានមួយចំនួនដែលអាចប៉ះពាល់ដល់ទស្សនវិស័យកំណើនសេដ្ឋកិច្ចសកលនៅឆ្នាំ ២០២៣ ដូចជាការកើនឡើងអត្រាការប្រាក់ដោយធនាគារកណ្តាលជុំវិញពិភពលោក ជម្លោះអូសបន្លាយក្នុងប្រទេសអ៊ុយក្រែន ឬទីផ្សារថាមពលមិនស្ថិតស្ថេរ៕
បកប្រែដោយ Duy Hoan