អាស៊ាននិងកូរ៉េខាងត្បូងបញ្ជាក់ជាថ្មីម្ដងទៀតលើកិច្ចសន្យាជម្រុញទំនាក់ទំនងភាពជាដៃគូ
កប.អនឡាញ - ក្នុងកិច្ចប្រជុំលើកទី៨ នៃគណៈកម្មាធិការសហប្រតិបត្តិការរួមអាស៊ាន - កូរេ៉ខាងត្បូង(JCC) ទើបតែប្រព្រឹត្តទៅតាមរយៈប្រព័ន្ធវីដេអូ ភាគីទាំងពីរបានបញ្ជាក់ពីកិច្ចសន្យាពង្រីកថែមទៀតនូវទំនាក់ទំនងភាពជាដៃគូ។
កិច្ចប្រជុំបានវាយតម្លៃខ្ពស់ចំពោះការរីកចម្រើននៃទំនាក់ទំនងសហប្រតិបត្តិការអាស៊ាន-កូរ៉េខាងត្បូង នៅពេលកន្លងមក រួមទាំងការអនុវត្តលទ្ធផលនៃកិច្ចប្រជុំថ្នាក់ជាន់ខ្ពស់អាស៊ាន-កូរ៉េខាងត្បូងលើកទី២១ និងកិច្ចសហប្រតិបត្តិការលើវិស័យផ្សេងៗ ក្នុងក្របខ័ណ្ឌនៃផែនការសកម្មភាពអាស៊ាន-កូរ៉េខាងត្បូង ដំណាក់កាល២០២១-២០២៥។ ភាគីទាំងពីរបានចាត់ទុកថា ទំនាក់ទំនងសហប្រតិបត្តិការទ្វេភាគី ត្រូវបានបន្តពង្រីក ទោះបីរងផលប៉ះពាល់នៃជំងឺ Covid 19 ក៏ដោយ។
|
|
ចាក់វ៉ាក់សាំង Covid-19 នៅប្រទេសកូរ៉េខាងត្បូង (រូបថត៖ vnanet.vn) |
កិច្ចប្រជុំក៏បានសង្កត់ធ្ងន់លើទំនាក់ទំនងសហប្រតិបត្តិការយ៉ាងជិតស្និទ្ធអាស៊ាន-កូរ៉េខាងត្បូង និងជំនួយរបស់កូរ៉េខាងត្បូងចំពោះអាស៊ាន ក្នុងការទប់ទល់នឹងជំងឺ Covid-19 រួមទាំងការផ្គត់ផ្គង់សម្ភារៈបរិក្ខារពេទ្យ និងការបរិច្ចាគដល់មូលនិធិអាស៊ានទប់ទល់នឹងជំងឺ Covid-19 ផងដែរ។
ភាគីទាំងពីរបានឯកភាពបន្តពង្រីកកិច្ចសហប្រតិបត្តិការលើវិស័យជាច្រើន រួមមាន ពាណិជ្ជកម្មនិងវិនិយោគ សេដ្ឋកិច្ចឌីជីថល ទេសចរណ៍ ការគ្រប់គ្រងគ្រោះមហន្តរាយធម្មជាតិ សុខភាពសាធារណៈ ទីក្រុងឆ្លាតវៃ និងការច្នៃប្រឌិត ការតភ្ជាប់ ការលើកកម្ពស់សមត្ថភាពនៃធនធានមនុស្ស៕
បកប្រែដោយ Thanh Cong