និមិត្តរូបនៃសាមគ្គីភាព និងមិត្តភាពរវាងវៀតណាម និងចិន

ក្នុងឱកាសនេះ ក្នុងនាមថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាម លោកស្រី Bui Thi Minh Hoai បានទទួលជំនួយឧបត្ថម្ភជាទឹកប្រាក់ចំនួន ៥០០,០០០ ដុល្លារអាមេរិកដែលប្រគល់ជូនដោយរដ្ឋាភិបាលចិន តាមរយៈស្ថានទូតចិនប្រចាំនៅវៀតណាម ដើម្បីជួយគាំទ្រដល់ប្រជាជនឲ្យជំនះផលវិបាកនៃទឹកជំនន់។

លោកស្រី Bui Thi Minh Hoai ទទួលប្រាក់ជំនួយជានិមិត្តរូបពីលោក He Wei (រូបថត៖ vnanet.vn)

លោក He Wei បានបញ្ជាក់ថា ទោះបីជាជំនួយឧបត្ថម្ភនេះមិនច្រើនក៏ដោយ ក៏បង្ហាញពីមនោសញ្ចេតនាដែលប្រជាជនចិនផ្ដល់ដល់ប្រជាជនវៀតណាម ក្នុងគោលបំណងរួមដំណើរជាមួយប្រជាជនវៀតណាមក្នុងដំណើរជំនះការលំបាកនេះ។

ក្នុងនាមថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាម លោកស្រី Bui Thi Minh Hoai បានថ្លែងអំណរគុណចំពោះបក្ស រដ្ឋ និងប្រជាជនចិន ដែលបានយកចិត្តទុកដាក់ដល់ប្រជាជនវៀតណាមក្នុងគ្រាលំបាកនេះ។ លោកស្រីបញ្ជាក់ថា ប្រាក់ជំនួយចំនួន ៥០០,០០០ ដុល្លារអាមេរិក គឺពិតជាអំណោយដ៏មានអត្ថន័យ ដែលជាការបង្ហាញពីសាមគ្គីភាព និងមិត្តភាពដ៏ស្មោះត្រង់ ដែលត្រូវបានកសាងឡើងដោយលោកប្រធាន ហូ ជីមិញ និងលោកប្រធាន ម៉ៅ សេទុង។ នាពេលខាងមុខ លោកស្រី Bui Thi Minh Hoai សង្ឃឹមថា ភាគីទាំងពីរនឹងបន្តបង្កើនការផ្លាស់ប្ដូររវាងប្រជាជននិងប្រជាជន គាំទ្រដល់អង្គការសង្គម និងមហាជន ក្នុងការបង្កើនការផ្លាស់ប្ដូរ និងកិច្ចសហប្រតិបត្តិការ...៕

បកប្រែដោយ Thuy Anh