ពាណិជ្ជកម្មវៀតណាម-ហ្វីលីពីនត្រូវបានគេព្យាករថានឹងកើនដល់ជាង ៨ ពាន់លានដុល្លារក្នុងឆ្នាំ ២០២៤
កប.អនឡាញ - ការិយាល័យពាណិជ្ជកម្មវៀតណាមប្រចាំប្រទេសហ្វីលីពីន ក្រសួងឧស្សាហកម្ម និងពាណិជ្ជកម្ម បានឲ្យដឹងថា ក្នុងរយៈពេល៦ខែដំបូងនៃឆ្នាំ២០២៤ បរិមាណនាំចេញសរុបរបស់វៀតណាមទៅកាន់ទីផ្សារហ្វីលីពីនសម្រេចបានជិត២.៩៣ពាន់លានដុល្លារអាមេរិក កើនឡើង១៧.៦% បើធៀបនឹងរយៈពេល៦ខែដំបូងឆ្នាំ២០២៣។
ផលិតផលដែលមានចំណូលនាំចេញខ្ពស់ទៅកាន់ទីផ្សារហ្វីលីពីនគឺអង្ករ ដែលទំហំនៃការនាំចេញឈានដល់ ១.២ ពាន់លានដុល្លារអាមេរិក កើនឡើង ៤០.៩% បើធៀបនឹងរយៈពេល ៦ ខែដំបូងនៃឆ្នាំ ២០២៣ ដែលស្មើនឹង ៤១% នៃទំហំនាំចេញសរុបរបស់វៀតណាមចូលទីផ្សារហ្វីលីពីនក្នុងរយៈពេល ៦ ខែដំបូងនៃឆ្នាំ ២០២៤ ។ ចំណូលនាំចូលរបស់វៀតណាមពីទីផ្សារហ្វីលីពីនក្នុងរយៈពេល ៦ ខែដំបូងនៃឆ្នាំ ២០២៤ ឈានដល់ជិត ១.២៨ ពាន់លានដុល្លារអាមេរិក កើនឡើង ១៩.៥% បើធៀបនឹងរយៈពេល ៦ ខែដំបូងនៃឆ្នាំ ២០២៣ ។
ដូច្នេះ ចំណូលនាំចូល និងនាំចេញសរុបរវាងវៀតណាម និងហ្វីលីពីនក្នុងរយៈពេល ៦ ខែដើមឆ្នាំ ២០២៤ សម្រេចបាន ៤.២១ ពាន់លានដុល្លារ។ នេះអនុញ្ញាតឱ្យមានការព្យាករណ៍ថាការនាំចេញ និងនាំចូលសរុបរវាងវៀតណាម និងហ្វីលីពីននៅឆ្នាំ ២០២៤ អាចឈានដល់ពី ៨.១ ពាន់លានដល់ ៨.៣ ពាន់លានដុល្លារ កើនឡើងពី ៣.៩% ទៅ ៦.៤% ក្នុងឆ្នាំ ២០២៣៕
បកប្រែដោយ Duy Hoan