ទីក្រុង Can Tho តភ្ជាប់ពាណិជ្ជកម្មជាមួយសហគ្រាសហ្វីលីពីន

នៅក្នុងព្រឹត្តិការណ៍នេះ ភាគីទាំងពីរបានបង្ហាញសក្តានុពលសេដ្ឋកិច្ចរបស់ខ្លួន ព្រមទាំងស្វែងរកឱកាសសម្រាប់កិច្ចសហប្រតិបត្តិការពាណិជ្ជកម្ម និងវិនិយោគរវាងសម្ព័ន្ធក្រុម Vista Land និងទីក្រុង Can Tho នាពេលអនាគត។ 

ផ្នែកមួយនៃខ័ណ្ឌ Ninh Kieu ទីក្រុង Can Tho (រូបថត៖ vnanet.vn)

លោក Duong Tan Hien អនុប្រធានអចិន្ត្រៃយ៍គណៈកម្មាធិការប្រជាជនទីក្រុង Can Tho បានឲ្យដឹងថា Can Tho មានតួនាទី ឋានៈ និងសក្ដានុពលដ៏ធំធេងក្នុងតំបន់ដីសណ្ដទន្លេ Cuu Long។ ការដែលវិនិយោគិនហ្វីលីពីនចាប់អារម្មណ៍ចំពោះទីក្រុងគឺជាជម្រើសដ៏សមស្របមួយក្នុងការតភ្ជាប់ផលិតផលប្រចាំតំបន់។ ទន្ទឹមនឹងនោះ ទីក្រុង Can Tho ក៏អាចឆ្លើយតបនឹងបំណងប្រាថ្នានៃប្រភពផលិតផលកសិកម្ម និងជលផលស្អាត ដែលសម្ព័ន្ធក្រុមហ៊ុន Vista Land យកចិត្តទុកដាក់។ ទីក្រុងសង្ឃឹមថា សហគ្រាសនៃភាគីទាំងពីរអាចពង្រីកការតភ្ជាប់ពាណិជ្ជកម្ម និង កិច្ចសហប្រតិបត្តិការវិនិយោគជាមួយគ្នានាពេលអនាគត។ លោកក៏បញ្ជាក់ថា ទីក្រុងតែងតែទទួលស្វាគមន៍សហគ្រាសបរទេសមកស្វែងរកឱកាសសម្រាប់កិច្ចសហប្រតិបត្តិការពាណិជ្ជកម្ម។

តំណាងសម្ព័ន្ធក្រុមហ៊ុន Vista Land (ហ្វីលីពីន) បាននិយាយថា បច្ចុប្បន្នសម្ព័ន្ធក្រុមកំពុងស្វែងរកឱកាសពាណិជ្ជកម្មនៅអាស៊ីអាគ្នេយ៍ ក្នុងនោះមានវៀតណាម ដោយមានបំណងចង់លើកកំពស់គុណភាពម្ហូបអាហារ។ សហគ្រាសហ្វីលីពីនក៏មានបំណងចង់ស្វែងយល់ពីផលិតផលដ៏មានសក្ដានុពល ដើម្បីសហការជាមួយទីក្រុង Can Tho ផងដែរ៕

តាម​ vovworld.vn