IMF នឹងរួមដំណើរជាមួយវៀតណាមក្នុងដំណើរការអភិវឌ្ឍ
កប.អនឡាញ - នាថ្ងៃទី២៣ ខែកញ្ញា ក្នុងជំនួបជាមួយអគ្គនាយិកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva លោកប្រធានរដ្ឋ Nguyen Xuan Phuc បានវាយតម្លៃខ្ពស់ចំពោះកិច្ចសហប្រតិបត្តិការរវាង IMF ជាមួយវៀតណាម ក្នុងការអភិវឌ្ឍសេដ្ឋកិច្ច សង្គម និងការធ្វើសមាហរណកម្មអន្តរជាតិ ហើយថ្លែងអំណរគុណចំពោះ IMF ដែលបានរួមដំណើរជាមួយវៀតណាមក្នុងការទប់ទល់នឹងជំងឺ Covid-19។
លោករំពឹងថា IMF នឹងបន្តជួយវៀតណាមក្នុងការទទួលបានវ៉ាក់សាំង និងបន្តរួមដំណើរជាមួយវៀតណាមក្នុងការអភិវឌ្ឍ។ លោកស្រីអគ្គនាយិកា IMF បានអបអរសាទរចំពោះសមិទ្ធផលសេដ្ឋកិច្ចដែលវៀតណាមទទួលបាននៅពេលកន្លងមក ហើយបញ្ជាក់ថា IMF នឹងជួយគាំទ្រវៀតណាមជំនះការលំបាកនៃជំងឺ Covid-19 ក៏ដូចជារួមដំណើរជាមួយវៀតណាមក្នុងដំណើរការអភិវឌ្ឍប្រទេសជាតិផងដែរ។
    |
 |
|
លោក Nguyen Xuan Phuc និងលោក Jonathan Selib (រូបថត៖ vnanet.vn) |
*នាថ្ងៃទី២៣ ខែកញ្ញា តាមម៉ោងតំបន់ លោកប្រធានរដ្ឋ Nguyen Xuan Phuc បានបំពេញទស្សនកិច្ចនៅក្រុមហ៊ុន Pfizer។ លោក Nguyen Xuan Phuc បានវាយតម្លៃខ្ពស់ចំពោះក្រុមហ៊ុន Pfizer បានជូនវ៉ាក់សាំងជាង ២.៨ លានដូសដល់វៀតណាម តាមកិច្ចព្រមព្រៀងដែលបានចុះហត្ថលេខាជាមួយរដ្ឋាភិបាលវៀតណាម ចូលរួមចំណែកជួយវៀតណាមគ្រប់គ្រងជំងឺរាតត្បាត។ លោក Jonathan Selib អនុប្រធានក្រុមហ៊ុន Pfizer បានឲ្យដឹងថា ក្រុមហ៊ុន Pfizer មានទំនាក់ទំនងសហប្រតិបត្តិការល្អជាមួយវៀតណាម និងសន្យាផ្ដល់វ៉ាក់សាំងសម្រាប់មនុស្សពេញវ័យ ៣១ លានដូស ព្រមទាំងវ៉ាក់សាំងសម្រាប់កុមារ ២០ លានដូសដល់វៀតណាម។
*នាថ្ងៃដដែល លោកប្រធានរដ្ឋ Nguyen Xuan Phuc បានទទួលជួបថ្នាក់ដឹកនាំសម្ព័ន្ធក្រុមហ៊ុនជួរមុខមួយចំនួនរបស់អាមេរិកគឺ Exxon Mobil, Next Decade និង Blackrock៕
បកប្រែដោយ Thuy Anh