ការនាំចេញទំនិញវៀតណាមទៅកាន់អ៊ីស្រាអែលស្ដារឡើងវិញនៅឆ្នាំ២០២០
កប.អនឡាញ - យោងតាមការិយាល័យពាណិជ្ជកម្មវៀតណាមនៅប្រទេសអ៊ីស្រាអែលបានឲ្យដឹងថា នៅឆ្នាំ២០២០ ទំហំនៃការនាំចេញរបស់វៀតណាមទៅទីផ្សារនេះទទួលបានប្រហែល ៧០០ លានដុល្លារអាមេរិក ខណៈដែលការនាំចូលទទួលបានប្រហែល ៨៥០ លានដុល្លារអាមេរិក។
ទោះបីជំងឺ Covid-19 បានរីករាលដាលនៅឆ្នាំ២០២០ ក៏ដោយ ប៉ុន្តែការនាំចេញទំនិញវៀតណាមទៅកាន់អ៊ីស្រាអែលត្រូវបានប៉ាន់ស្មានធ្លាក់ចុះបន្តិច បើធៀបនឹងកម្រិត ៧៧៤ លានដុល្លារនៅឆ្នាំមុន។
ការធ្លាក់ចុះនេះទាបជាងការធ្លាក់ចុះនៃការនាំចេញទៅទីផ្សារផ្សេងៗ។ នេះជាចំណុចភ្លឺក្នុងសកម្មភាពផ្លាស់ប្ដូរពាណិជ្ជកម្មរវាងប្រទេសទាំងពីរក្នុងបរិបទដែលទីផ្សារអ៊ីស្រាអែលមានអស្ថិរភាពសន្តិសុខនយោបាយ និងឥទ្ធិពលអវិជ្ជមាននៃជំងឺរាតត្បាតលើសង្គម។
អ៊ីស្រាអែលមានតែប្រជាជនប្រមាណ ៩.៣ លាននាក់ និងជាទីផ្សារតូចមួយ ប៉ុន្តែជាទីផ្សារនាំចេញធំទី៣ របស់វៀតណាមនៅមជ្ឈឹមបូព៌ា បន្ទាប់ពីប្រទេសអេមីរ៉ាតអារ៉ាប់រួម (UAE) និងប្រទេសទួរគី៕
បកប្រែដោយ Thuy Anh