ស្វែងរកទិសដៅជំរុញទំនាក់ទំនងសេដ្ឋកិច្ច ពាណិជ្ជកម្មរវាងវៀតណាម-អាហ្វ្រិកខាងត្បូង
ក្រុមការងារនៃស្ថានទូតវៀតណាមប្រចាំអាហ្វ្រិកខាងត្បូងដឹកនាំដោយលោកឯកអគ្គរដ្ឋទូត Hoang Van Loi បានបំពេញដំណើរទស្សនកិច្ចការងារ នៅខេត្ត Eastern Cape និង Western Cape ចាប់ពីថ្ងៃទី២២ដល់ថ្ងៃទី២៩ វិច្ឆិកា ក្នុងបំណងស្វែងរកឱកាសជំរុញកិច្ចសហប្រតិបត្តិការវិនិយោគ ពាណិជ្ជកម្ម និងទេសចរណ៍រវាងប្រទេសទាំងពីរ ក្រោយរយៈពេលយូរ អង្វែងមួយដែលរងការរអាក់រអួលដោយសារជម្ងឺ Covid-19។
ក្នុងជំនួបធ្វើការជាមួយសភាពាណិជ្ជកម្ម Nelson Mandela Bay (NMBBC) ខេត្ត Eastern Cape និងសភាពាណិជ្ជកម្មនិងឧស្សាហកម្មខេត្ត Western Cape ភាគីទាំងពីរបានសន្យាជំរុញទំនាក់ទំនងសហប្រតិបត្តិការ ដើម្បីផលប្រយោជន៍រួម និងរបស់សហគមន៍សហគ្រាស ក៏ដូចជា ជួយឧបត្ថម្ភគ្នាទៅវិញទៅមកក្នុងការផ្គត់ផ្គង់ ផ្លាស់ប្ដូរព័ត៌មានទៅវិញទៅមកផងដែរ។
    |
 |
|
ក្រុមការងារនៃស្ថានទូតវៀតណាមជួបធ្វើការជាមួយថ្នាក់ដឹកនាំសភាពាណិជ្ជកម្មនិងឧស្សាហកម្ម Western Cape (CCCI) (រូបថត៖ vnanet.vn) |
លោកស្រី Nomkhita Mona នាយិកាប្រតិបត្តិ NMBBC បានអះអាងថា NMBBC ត្រៀមខ្លួនជាស្រេចបង្ហោះព័ត៌មានស្ដីពីទីផ្សារនិងសហគ្រាសវៀតណាមលើគេហទំព័ររបស់អង្គការនេះ ដើម្បីឲ្យសហគមន៍សហគ្រាស Nelson Mandela Bay និយាយដោយឡែកនិងប្រទេសអាហ្វ្រិកខាងត្បូងនិយាយរួមអាចស្វែងរកដៃគូ។
ក្នុងឱកាសដំណើរទស្សនកិច្ចលើកនេះ ក្រុមការងារនៃស្ថានទូតវៀតណាមក៏បានជួបធ្វើការជាមួយក្រុមហ៊ុន Karoo Livestock Exports និងសម្ព័ន្ធក្រុមហ៊ុន Rhodes Food Group ផងដែរ៕
តាម vovworld.vn