ប្រទេសរុស្ស៊ីត្រៀមខ្លួនពង្រីកកិច្ចសហប្រតិបត្តិការលើវិស័យកសិកម្មជាមួយវៀតណាម និងអាស៊ាន
កប.អនឡាញ - ក្រសួងអភិវឌ្ឍសេដ្ឋកិច្ចរុស្ស៊ី ទើបតែចេញសេចក្តីប្រកាសព័ត៌មានថា ស្ថាប័ននេះត្រៀមជាស្រេចពង្រីកកិច្ចសហប្រតិបត្តិការជាមួយវៀតណាម និងប្រទេសសមាជិកសមាគមប្រជាជាតិអាស៊ីអាគ្នេយ៍(ASEAN) ក្នុងវិស័យកសិកម្ម និងដាក់ពង្រីកគម្រោងអភិវឌ្ឍបច្ចេកវិទ្យាទំនើបក្នុងវិស័យកសិកម្ម។
មានប្រសាសន៍ក្នុងកិច្ចប្រជុំពិគ្រោះយោបល់ជាន់ខ្ពស់ស្ដីពីសេដ្ឋកិច្ចរវាង រុស្ស៊ី-អាស៊ាន តាមប្រព័ន្ធវីដេអូ ប្រធាននាយកដ្ឋានសហប្រតិបត្តិការសេដ្ឋកិច្ចពហុភាគី និងគម្រោងពិសេសនៃក្រសួងអភិវឌ្ឍសេដ្ឋកិច្ចរុស្ស៊ី លោកស្រី Natalya Stapran បានជូនដំណឹងថា ក្នុងរយៈពេល ៥ ខែដើម ឆ្នាំ២០២០ កសិផលរបស់ប្រទេសរុស្ស៊ីដែលនាំចេញទៅកាន់ប្រទេសវៀតណាមបានកើនឡើង ៤ ដងបើធៀបនឹងឆ្នាំមុន។ លោកស្រីបញ្ជាក់ថា ក្រសួងអភិវឌ្ឍសេដ្ឋកិច្ចរុស្ស៊ីត្រៀមជាស្រេចពង្រីកកិច្ចសហប្រតិបត្តិការលើវិស័យជាច្រើនជាមួយវៀតណាម និងអាស៊ាន៕
បកប្រែដោយ Thuy Anh