សារព័ត៌មានជប៉ុន៖ EVFTA នឹងជំរុញកំណើនសេដ្ឋកិច្ចក្រោយជំងឺ COVID-19
កប.អនឡាញ - សារព័ត៌មាន Nihon Keizai របស់ជប៉ុន បានផ្សាយអត្ថបទមួយនៅថ្ងៃទី ២០ ខែឧសភា ដែលវាយតម្លៃខ្ពស់ចំពោះកិច្ចព្រមព្រៀងពាណិជ្ជកម្មសេរីរវាងវៀតណាម និងសហភាពអឺរ៉ុប ដែលគ្រោងនឹងត្រូវបានអនុម័តដោយរដ្ឋសភាវៀតណាមក្នុងខែឧសភានេះនឹងមិនត្រឹមតែផ្ដល់ផលប្រយោជន៍សម្រាប់បណ្ដាភាគីហត្ថលេខីប៉ុណ្ណោះទេ ថែមទាំងសម្រាប់អាជីវកម្មនៃប្រទេសដទៃទៀតផង ។
|
|
រោងចក្រផលិតត្រីនៅខេត្ដ Dong Thap វៀតណាម (រូបថត៖ vnanet.vn) |
អត្ថបទបានបញ្ជាក់ថា វៀតណាមនិង EU នឹងលុបចោលពន្ធនាំចេញ ៩៩% ក្នុងរយៈពេល ១០ ឆ្នាំ។ ប្រការនេះអាចជួយបង្កើនការនាំចេញទំនិញរបស់វៀតណាមទៅកាន់សហភាពអឺរ៉ុប ដោយទំហំពាណិជ្ជកម្ម ១៥% នៃការនាំចេញសរុបរបស់វៀតណាម។
បច្ចុប្បន្នសហគ្រាសជប៉ុនដែលមានវត្តមាននៅវៀតណាមគ្រោងនឹងទទួលបានផលប្រយោជន៍ពីកិច្ចព្រមព្រៀងនេះ។ ក្នុងនាមជាប្រទេសនាំចេញទំនិញវាយនភណ្ឌ និងសម្លៀកបំពាក់ជាប់លំដាប់ទី៣ នៅលើពិភពលោកបន្ទាប់ពីប្រទេសចិននិងបង់ក្លាដែស អាស្រ័យហេតុនេះវិស័យនេះរបស់វៀតណាមនៅមានសក្ដានុពលជាច្រើន។
នៅប្រទេសវៀតណាមមានសហគ្រាសជប៉ុនជាច្រើនដែលផលិតគ្រឿងបន្លាស់រថយន្ត និងគ្រឿងម៉ាស៊ីនសម្រាប់នាំចេញទៅអឺរ៉ុប ដូច្នេះ EVFTA នឹងជួយឱ្យសហគ្រាសទាំងនេះពង្រីកផលិតកម្មនិងចូលទីផ្សារអឺរ៉ុបកាន់តែងាយស្រួល។ ផ្ទុយទៅវិញ សហភាព អ៊ឺរ៉ុបកំពុងនាំចេញទំនិញជាច្រើនដូចជាយន្តហោះនិងរថយន្តមកកាន់ប្រទេសវៀតណាម។
នៅក្នុងបរិបទនៃជំងឺ Covid-19 ដែលជះឥទ្ធិពលដល់បណ្ដាខឿនសេដ្ឋកិច្ចនៅលើពិភពលោក វៀតណាមគឺជាប្រទេសដំបូងគេនៅអាស៊ីអាគ្នេយ៍ដែលបានដំណើរការសេដ្ឋកិច្ចជាធម្មតាឡើងវិញបន្ទាប់ពីជំងឺ Covid-19 បានគ្រប់គ្រងនោះ EVFTA ត្រូវបានគេរំពឹងថានឹងជំរុញការនាំចេញរបស់វៀតណាមកើនឡើងយ៉ាងខ្លាំង៕
បកប្រែដោយ Pham Diep