នាយករដ្ឋមន្ត្រីវៀតណាមអនុញ្ញាតឲ្យបើកច្រករបៀងមួយចំនួនជាប់ជាមួយចិន
លោកនាយករដ្ឋមន្រ្តីវៀតណាមបានយល់ស្របឲ្យបើកឡើងវិញនូវច្រករបៀងមួយចំនួនតាមសំណើរបស់គណៈកម្មាធិការប្រជាជនខេត្ត Lang Son និងក្រសួងឧស្សាហ-ពាណិជ្ជកម្ម។
ចំពោះច្រករបៀង និងផ្លូវលំឆ្លងដែនផ្សេងៗទៀតនៅលើខ្សែព្រំដែនគោកវៀតណាម-ចិន លោកនាយករដ្ឋមន្រ្តីអនុញ្ញាតឲ្យគណៈកម្មាធិការប្រជាជនបណ្ដាខេត្តព្រំដែនពិចារណាបើកឡើងវិញយ៉ាងប្រុងប្រយ័ត្នដោយឈរលើស្ថានភាពជាក់ស្ដែងនៅតំបន់។ ការបើកឡើងវិញច្រករបៀង និងផ្លូវលំឆ្លងដែន ត្រូវគោរពគោលការណ៍គ្រប់គ្រងរបស់រដ្ឋស្ដីពីច្រកទ្វារព្រំដែនគោក ពាណិជ្ជកម្មព្រំដែន ជាពិសេសគឺធានាដំណើរការគ្រប់គ្រងជំងឺឆ្លង ហើយត្រឹមតែបើកឡើងវិញច្រករបៀង និងផ្លូវលំឆ្លងដែន ដែលមានការដោះដូរបរិមាណទំនិញធំៗ ជាពិសេសគឺទំនិញកសិផល ជលផលនាំចេញរបស់វៀតណាមនិងវត្ថុធាតុដើមនាំចូលបម្រើផលិតកម្មក្នុងប្រទេសតែប៉ុណ្ណោះ៕
តាម vovworld.vn