ដើម្បីសម្រេចបាននូវគម្រោង និងគំនិតធ្វើអាជីវកម្មរបស់សមាជិកា ជាពិសេសស្ត្រីជនជាតិភាគតិច ក្នុងរយៈពេលប៉ុន្មានឆ្នាំកន្លងមកនេះ សម្ព័ន្ធសមាគមនារីស្រុក Moc Chau បានធ្វើសកម្មភាពឃោសនាផ្សព្វផ្សាយ និងលើកទឹកចិត្តស្មារតីសមាជិកាចាប់ផ្តើមអាជីវកម្ម រៀបចំថ្នាក់បណ្តុះបណ្តាលសមាជិកាដែលមានគំនិតធ្វើអាជីវកម្ម  ហាត់លក់ទំនិញ ផ្សព្វផ្សាយម៉ាកយីហោ និងគ្រប់គ្រងហិរញ្ញវត្ថុ។ ទន្ទឹមនឹងនោះ សម្ព័ន្ធសមាគមនារីស្រុក Moc Chau ក៏បានកសាងទម្រង់សន្សំសំចៃក្នុងឃុំ និងទីរួមស្រុក; បង្កើតលក្ខខណ្ឌអំណោយផលសម្រាប់សមាជិកាក្នុងការទទួលបានប្រាក់កម្ចីអនុគ្រោះដើម្បីអភិវឌ្ឍសេដ្ឋកិច្ច។

បច្ចុប្បន្ននេះ សម្ព័ន្ធសមាគមនារីស្រុក Moc Chau បានបង្កើត និងរក្សាក្រុមឥណទានសន្សំសំចៃចំនួន ៩០ ក្រុម ទម្រង់សន្សំសំចៃចំនួន ១៨៥ ក្រុម  និងជួយគាំទ្រជាង ១,០០០ គ្រួសារកម្ចីប្រាក់អភិវឌ្ឍផលិតកម្ម។ លើសពីនេះ សម្ព័ន្ធសមាគមនារីនៅពិនិត្យ និងធ្វើបញ្ជីគ្រួសារក្រីក្រដែលស្ត្រីជាមេផ្ទះ និងសមាជិកាជួបការលំបាកខ្លាំង ដើម្បីទទួលបានដំណោះស្រាយគាំទ្រទាន់ពេលវេលា។ អាស្រ័យហេតុនោះ មកទល់បច្ចុប្បន្ននេះ ស្រុកទាំងមូលមានគ្រួសារក្រីក្រចំនួន ៥៣៥ គ្រួសារដែលស្ត្រីជាមេផ្ទះ ហើយគ្រួសារ ៣២៥ ឲ្យរួចផុតពីភាពក្រីក្រ រួមចំណែកកាត់បន្ថយអត្រាភាពក្រីក្រនៅក្នុងស្រុកទាំងមូលមកនៅត្រឹម ៣.៧១%។

leftcenterrightdel
ស្ត្រីនៅអនុតំបន់ Ban On ទីរួមស្រុកកសិដ្ឋាន Moc Chau អភិវឌ្ឍសេដ្ឋកិច្ចរបស់ពួកគេពីដើមក្រូច

សហករណ៍ដាំបន្លែសុវត្ថិភាព An Tam Moc Chau (ភូមិ An Thai ឃុំ Muong Sang) ត្រូវបានបង្កើតឡើងក្នុងឆ្នាំ ២០១៦ ដឹកនាំដោយលោកស្រី Nguyen Thi Tam បាន និងកំពុងនាំមកនូវប្រាក់ចំណូលស្ថិរភាពដល់សមាជិកា និងគ្រួសារជាច្រើននៅក្នុងតំបន់។ បច្ចុប្បន្ននេះ សហករណ៍ An Tam Moc Chau កំពុងរក្សាបាននូវបន្លែ និងផ្លែឈើចំនួន ៨ ហិកតា ដែលត្រូវបានបញ្ជាក់ស្របតាមស្តង់ដារ VietGAP ជាមួយនឹងទិន្នផល ២០០ តោនក្នុង ១ ឆ្នាំ ដោយហេតុនេះជួយសមាជិកាទទួលបានប្រាក់ចំណូលពី ៨ ទៅ ១០ លានដុងក្នុងមួយខែ។ លើសពីនេះ សហករណ៍បានសហការជាមួយគ្រួសារចំនួន ៤៨ គ្រួសារភាគច្រើនជាសាមាជិកា ដើម្បីជួយឧបត្ថម្ភទុន គ្រាប់ពូជ បច្ចេកទេសកសិកម្ម និងជួយសមាជិកាអភិវឌ្ឍផលិតកម្ម។

រីឯនៅឃុំជាប់ព្រំដែន Chieng Khua ចាប់តាំងពីឆ្នាំ២០១៩ មក សមាគមសហព័ន្ធនារីឃុំបានបង្កើតក្រុមស្ត្រីចាប់ផ្តើមអាជីវកម្មដោយមានសមាជិកាចំនួន ៩ នាក់។ ពីដើមទុនដែលបានគាំទ្រដោយអង្គភាពមួយចំនួន ក្រុមស្ត្រីចាប់ផ្តើមអាជីវកម្មបានតភ្ជាប់ជាមួយបណ្តាគ្រួសារក្នុងឃុំដើម្បីទិញ និងលក់កសិផលរបស់ប្រជាពលរដ្ឋ។ លោកស្រី Lo Thi Nguyen ប្រធានសមាគមសហព័ន្ធនារីឃុំ Chieng Khua បានមានប្រសាសន៍ថា៖ “ក្នុងរយៈពេលប៉ុន្មានឆ្នាំចុងក្រោយនេះ អនុវត្តតាមការដឹកនាំ និងការណែនាំរបស់សមាគមសហព័ន្ធនារីថ្នាក់លើ យើងខ្ញុំមានគោលនយោបាយជាច្រើនដើម្បីជួយ និងបង្កើតក្រុម និងទម្រង់មួយចំនួនសម្រាប់ស្ត្រីជួយគ្នាទៅវិញទៅមក ក្នុងកាអភិវឌ្ឍសេដ្ឋកិច្ច។ នៅពេលចូលរួមក្នុងសមាគម ក្រុម សមាជិកាដែលមានគំនិតអាជីវកម្មប្រកបដោយប្រសិទ្ធភាពត្រូវបានគាំទ្រដោយទាន់ពេលវេលា។ អាស្រ័យហេតុនេះ មិនត្រឹមតែជួយសមាជិកាបង្កើនប្រាក់ចំណូលប៉ុណ្ណោះទេ ថែមទាំងជួយដល់ប្រជាជនក្នុងការលក់ និងផ្សព្វផ្សាយកសិផលក្នុងស្រុកទៀតផង”។

លោកស្រី Vi Thi Long Bien ប្រធានសមាគមសហព័ន្ធនារីស្រុក Moc Chau បានឲ្យដឹងថា៖ “ដើម្បីលើកទឹកចិត្តដល់ស្មារតីចាប់ផ្តើមអាជីវកម្មរបស់សមាជិកា ជាពិសេសស្ត្រីជនជាតិភាគតិច យើងខ្ញុំតែងតែរៀបចំវគ្គបណ្តុះបណ្តាលជាប្រចាំ ដើម្បីលើកកំពស់សមត្ថភាព និងចំណេះដឹងសម្រាប់សមាជិកា។ នាពេលខាងមុខ សមាគមគ្រប់លំដាប់ថ្នាក់នឹងបន្តឃោសនាផ្សព្វផ្សាយ និងលើកកម្ពស់ការយល់ដឹងរបស់ស្ត្រីអំពីការចាប់ផ្តើមអាជីវកម្ម; ជំរុញការសម្រេចបាននូវគំនិតអាជីវកម្ម ជួយស្ត្រីឱ្យផ្លាស់ប្តូរជីវិតរបស់ពួកគេ ក្លាយទៅជាគំរូដ៏ភ្លឺស្វាងក្នុងការអភិវឌ្ឍសេដ្ឋកិច្ចគ្រួសារ”៕

បកប្រែដោយ Huyen Trang