ផ្សារភ្ជាប់ការអភិវឌ្ឍសេដ្ឋកិច្ចសង្គមជាមួយការការពារជាតិនិងសន្តិសុខ

មានប្រសាសន៍ក្នុងកិច្ចប្រជុំ លោក Pham Minh Chinh នាយករដ្ឋមន្ត្រី បានបញ្ជាក់ថា តំបន់ដីសណ្តទន្លេ Cuu Long និងតំបន់ជុំវិញគឺជាតំបន់ដែលមានភូមិសាស្ដ្រជាយុទ្ធសាស្ត្រពិសេសដែលទាក់ទងនឹងនយោបាយ សេដ្ឋកិច្ចសង្គម ការពារជាតិ សន្តិសុខ បរិស្ថានអេកូឡូស៊ី និងកិច្ចការបរទេស។ ជាច្រកទ្វារភាគខាងត្បូងនៃប្រទេសជាតិ និងផ្សារភ្ជាប់ទៅនឹងបុព្វហេតុនៃការកសាង និងការពារអធិបតេយ្យភាពទឹកដីរបស់មាតុភូមិ។ បក្ស និងរដ្ឋតែងតែយកចិត្តទុកដាក់ និងមានគោលការណ៍ សេចក្តីសម្រេចចិត្ដ សេចក្តីណែនាំ និងសេចក្តីសន្និដ្ឋានជាច្រើនសម្រាប់ការអភិវឌ្ឍតំបន់ដីសណ្តទន្លេ Cuu Long។

លោកនាយករដ្ឋមន្ត្រី  Pham Minh Chinh ថ្លែងក្នុងកិច្ចប្រជុំ​ (រូបថត៖ vnanet.vn)

ក្រៅពីសមិទ្ធផលដែលសម្រេចបាននាពេលកន្លងមក ការអនុវត្តគោលនយោបាយជនជាតិនិងសាសនា និងការអភិវឌ្ឍសេដ្ឋកិច្ចសង្គមនៅក្នុងតំបន់ដីសណ្តទន្លេ Cuu Long នៅមានចំណុចខ្វះខាត។ ដូច្នេះ ចាំបាច់ត្រូវមានដំណោះស្រាយជាក់ស្ដែងដើម្បីបង្កើតមូលដ្ឋានគ្រឹះរឹងមាំសម្រាប់ការអភិវឌ្ឍតំបន់ដីសណ្តទន្លេ Cuu Long ឲ្យសក្ដិសមទៅនឹងសក្តានុពល។ ព្រមទាំងលើកកម្ពស់អត្តសញ្ញាណវប្បធម៌ និងជីវភាពរស់នៅទាំងសម្ភារៈ និងស្មារតីរបស់ប្រជាជន រួមចំណែកធានានូវការការពារជាតិ និងសន្តិសុខនៅតំបន់ភាគនិរតីនៃមាតុភូមិ។ អាស្រ័យហេតុនេះ លោកនាយករដ្ឋមន្ត្រី បានស្នើឱ្យក្រសួង ស្ថាប័ន និងមូលដ្ឋាននានាកំណត់ការធានាសន្តិសុខ និងសណ្តាប់ធ្នាប់ជាភារកិច្ចនយោបាយដ៏សំខាន់។

ទិដ្ឋភាពនៃកិច្ចប្រជុំ (រូបថត៖ vnanet.vn)

លោក Pham Minh Chinh នាយករដ្ឋមន្ត្រី បានស្នើឱ្យក្រសួង ស្ថាប័ន និងមូលដ្ឋាននានាផ្តោតលើការអនុវត្តក្រុមការងារសំខាន់ៗចំនួនប្រាំ ដែលក្នុងនោះត្រូវផ្សារភ្ជាប់ការអភិវឌ្ឍសេដ្ឋកិច្ច-សង្គមជាមួយនឹងការការពារជាតិ និងសន្តិសុខ។

លោក Pham Minh Chinh នាយករដ្ឋមន្ត្រី បានសង្កត់ធ្ងន់ថា ក្រសួង ស្ថាប័ន និងមូលដ្ឋានត្រូវផ្តោតលើការអនុវត្តគោលនយោបាយជនជាតិ  និងសាសនា។ អនុវត្តកម្មវិធីអភិវឌ្ឍន៍សេដ្ឋកិច្ច វប្បធម៌ និងសង្គម បង្កើតការងារ ដោះស្រាយជម្លោះ។ លើកកម្ពស់ស្មារតីរបស់ជូនរួមជាតិក្នុងការអភិវឌ្ឍសេដ្ឋកិច្ច-សង្គម អភិរក្ស និងលើកកម្ពស់តម្លៃវប្បធម៌ និងជំនឿ ទំនៀមទំលាប់ លើកកម្ពស់ជីវភាពរស់នៅទាំងសំភារៈ និងស្មារតីរបស់ជនរួមជាតិនៅមូលដ្ឋាន។ល។

នៅឆ្នាំ២០២៦ ខាងមុខ លោក Pham Minh Chinh នាយករដ្ឋមន្ត្រី បញ្ជាឲ្យក្រសួង ស្ថាប័ន និងមូលដ្ឋានអនុវត្ដក្រុមភារកិច្ចសំខាន់ៗចំនួនប្រាំពីរ ដោយផ្តោតលើការថែទាំ និងអភិវឌ្ឍសេដ្ឋកិច្ច វប្បធម៌ អប់រំ និងសុខាភិបាលនៅក្នុងតំបន់ដីសណ្តទន្លេ Cuu Long៕

បកប្រែដោយ Pham Diep