leftcenterrightdel
លោកនាយឧត្តមសេនីយ៍ Phan Van Giang មានប្រសាសន៍​ក្នុង​ពិធី​

មានប្រសាសន៍ក្នុងពិធិ លោកនាយឧត្តមសេនីយ៍ Phan Van Giang បានបញ្ជាក់ថា មជ្ឈមណ្ឌលសុខាភិបាល Bao Lac ក្នុងឃុំ Bao Lac ខេត្ត Cao Bang គឺជាសកម្មភាពសំខាន់មួយក្រោមផែនការរំលឹកខួបលើកទី ៨៥ នៃថ្ងៃដែលលោកប្រធានហូជីមិញវិលត្រឡប់មកកាន់ប្រទេសវៀតណាមវិញ ដើម្បីដឹកនាំបដិវត្តន៍វៀតណាមដោយផ្ទាល់ (ថ្ងៃទី២៨ ខែមករា ឆ្នាំ១៩៤១ / ថ្ងៃទី២៨ ខែមករា ឆ្នាំ២០២៦) និងក្នុង​គោលបំណងអបអរសាទរមហាសន្និបាតបក្សលើកទី ១៤  និងបញ្ជាក់បន្ថែមទៀតអំពីអត្ថន័យខាងនយោបាយ និងប្រវត្តិសាស្ត្រនៃគម្រោងនេះ។

ដើម្បីធានាថា គម្រោងនេះត្រូវបានបញ្ចប់តាមកាលវិភាគ ជាមួយនឹងគុណភាព និងប្រសិទ្ធភាពជាអតិបរមានោះ លោកនាយឧត្តមសេនីយ៍ Phan Van Giang បានស្នើឱ្យអង្គភាពលេខ ២០ អគ្គក្រុមហ៊ុន Tan Cang Sai Gon និងអង្គភាពនានា រក្សាស្មារតីទទួលខុសត្រូវ ជំនះការលំបាក ប្រែការតាំងចិត្តនយោបាយទៅជាលទ្ធផលជាក់ស្តែង។ រៀបចំការសាងសង់ប្រកដដោយវិទ្យាសាស្ត្រ និងម៉ត់ចត់ ក្នុងស្មារតីនៃ "យុទ្ធនាការ Quang Trung" ដោយមានល្បឿនលឿន ប៉ុន្តែធានាគុណភាព ស្តង់ដារបច្ចេកទេស សោភ័ណភាព និងសុវត្ថិភាពដាច់ខាតសម្រាប់បុគ្គលិក និងសម្ភារៈឧបករណ៍។ គោលដៅគឺបញ្ចប់ និងប្រគល់គម្រោងនេះនៅថ្ងៃទី២០ ខែវិច្ឆិកា ឆ្នាំ២០២៦ ដែលធ្វើឱ្យវាក្លាយជាមណ្ឌលថែទាំសុខភាពដែលជឿទុកចិត្តសម្រាប់កងទ័ព និងប្រជាជននៅក្នុងតំបន់។

leftcenterrightdel
លោកនាយឧត្តមសេនីយ៍ Phan Van Giang និងគណៈប្រតិភូ អញ្ជើញ​ចូលរួមពិធីបើកការដ្ឋានសាងសង់មជ្ឈមណ្ឌលសុខាភិបាល​ Bao Lac

លោកនាយឧត្តមសេនីយ៍ Phan Van Giang បានស្នើឱ្យគណៈកម្មាធិការបក្ស និងគណៈកម្មាធិការប្រជាជនខេត្ត Cao Bang បន្តដឹកនាំមន្ទីរ ស្ថាប័ននានា និងអាជ្ញាធរមូលដ្ឋានឲ្យសម្របសម្រួលយ៉ាងជិតស្និទ្ធជាមួយអង្គភាពលេខ២០ - អង្គក្រុមហ៊ុន Tan Cang Sai Gon និងអង្គភាពនានាក្នុងអំឡុងពេលអនុវត្តគម្រោង។ ការឯកភាពគ្នា ការគាំទ្រ និងជំនួយពីគណៈកម្មាធិការបក្ស អាជ្ញាធរមូលដ្ឋាន និងប្រជាជន គឺជាមូលដ្ឋានគ្រឹះដ៏សំខាន់សម្រាប់គម្រោងនេះឲ្យដំណើរការទៅដោយរលូន មានប្រសិទ្ធភាព និងសម្រេចបាននូវគោលដៅដែលបានកំណត់...៕

បកប្រែដោយ Duy Hoan