លោកឧត្តមសេនីយ៍ឯក Truong Thien To អញ្ជើញចូលរួមពិធីបើកការដ្ឋានសាងសង់ផ្ទះរ៉ុងវប្បធម៌ឃុំ Ia Dom ខេត្ត Gia Lai

លោកឧត្តមសេនីយ៍ឯក Truong Thien To អនុប្រធានអគ្គស្នងការនយោបាយ កងទ័ពប្រជាជនវៀតណាម បានអញ្ជើញចូលរួមនិងដឹកនាំពិធី។

ផ្ទះរ៉ុងវប្បធម៌ឃុំ  Ia Dom គឺជាផ្ទះរ៉ុងវប្បធម៌មួយក្នុងចំណោមផ្ទះរ៉ុងវប្បធម៌ចំនួន ៩ ដែលបានគណៈកម្មាធិការបក្សយោធាមជ្ឈិម និងក្រសួងការពារប្រទេសបញ្ជាឲ្យអង្គទ័ពលេខ ១៥ និងស្ថាប័ន និងអង្គភាពនានារបស់កងទ័ពសហការជាមួយគណៈកម្មាធិការបក្ស និងអាជ្ញាធរមូលដ្ឋានសាងសង់នៅខេត្ត  Gia Lai និងខេត្ដ  Quang Ngai ដោយមានទុនវិនិយោគសរុបប្រមាណ ២០ ពាន់លានដុង។​ ផ្ទះរ៉ុងវប្បធម៌គ្រោងនឹងដាក់ឱ្យប្រើប្រាស់ជាផ្លូវការនៅខែកញ្ញា ឆ្នាំ២០២៦។

លោកឧត្តមសេនីយ៍ឯក Truong Thien To អញ្ជើញចូលរួមពិធីបើកការដ្ឋានសាងសង់ផ្ទះរ៉ុងវប្បធម៌ឃុំ Ia Dom ខេត្ត Gia Lai

លោកឧត្តមសេនីយ៍ឯក Truong Thien To ប្រគល់អំណោយជូនប្រជាពលរដ្ឋ

ថ្លែងក្នុងពិធី លោកឧត្តមសេនីយ៍ឯក Truong Thien To បានសង្កត់ធ្ងន់ថា សំណង់នេះមានអត្ថន័យខាងនយោបាយ វប្បធម៌ និងសង្គមយ៉ាងជ្រាលជ្រៅ ជានិមិត្តរូបដ៏រស់រវើកនៃសាមគ្គីភាពរវាងកងទ័ពនិងប្រជាជន និងជីវិតវប្បធម៌របស់សហគមន៍ជនជាតិភាគតិចនៅតំបន់ខ្ពង់រាបកណ្តាល Tay Nguyen។ ព្រមទាំងបង្ហាញពីការទទួលខុសត្រូវ មនោសញ្ចេតនាយ៉ាងជ្រាលជ្រៅរបស់កម្មាភិបាល និងយុទ្ធជននៃកងទ័ពប្រជាជនវៀតណាមចំពោះបងប្អូនជនជាតិភាគតិចតំបន់ខ្ពង់រាបកណ្តាល  Tay Nguyen និយាយរួម និងប្រជាជននៅឃុំ Ia Dom និយាយដោយឡែក រួមចំណែកអភិរក្ស ថែរក្សានិងលើកកម្ពស់តម្លៃវប្បធម៌ប្រពៃណីដ៏ពិសេសនៃតំបន់ខ្ពង់រាបកណ្តាលដ៏អង់អាចក្លាហាន និងពង្រឹងទំនុកចិត្តរបស់បងប្អូនបណ្ដាជនជាតិចំពោះបក្ស រដ្ឋ និងកងទ័ព។

លោកអនុប្រធានអគ្គស្នងការនយោបាយ បានស្នើឲ្យអង្គទ័ពលេខ ១៥ និងស្ថាប័ននិងអង្គភាពរៀបចំការសាងសង់ឲ្យស្របតាមគោលការណ៍ណែនាំ និងគោលដៅ ដោយធានាឲ្យបាននូវគុណភាពនិងវឌ្ឍនភាពនៃសំណង់។  ការរចនានិងសាងសង់ត្រូវតែស្របទៅនឹងអត្តសញ្ញាណវប្បធម៌ ទំនៀមទម្លាប់ ជំនឿរបស់បណ្ដាជនជាតិនៅមូលដ្ឋាន​។ សហការយ៉ាងជិតស្និទ្ធជាមួយអង្គភាពសាងសង់និងគណៈកម្មាធិការបក្ស អាជ្ញាធរមូលដ្ឋាននិងប្រជាជននៅមូលដ្ឋាន ព្រមទាំងគោរពវិន័យកងទ័ព បទប្បញត្ដិនៃការ​សាងសង់។

លោកឧត្តមសេនីយ៍ឯក Truong Thien To​ និងប្រតិភូអញ្ជើញបើកការដ្ឋានសាងសង់ផ្ទះរ៉ុងវប្បធម៌ឃុំ Ia Dom ខេត្ត Gia Lai

ក្នុងឱកាសនេះដែរ លោកឧត្តមសេនីយ៍ឯក Truong Thien To អនុប្រធានអគ្គស្នងការនយោបាយ  និងថ្នាក់ដឹកនាំនៃអង្គភាពផ្សេងៗបានប្រគល់អំណោយជាជូនព្រឹទ្ធាចារ្យភូមិ អ្នកមានប្រជាប្រិយភាពនិងប្រជាពលរដ្ឋនៅឃុំ Ia Dom៕

បកប្រែដោយ Pham Diep