ទិវាបុណ្យមហាសាមគ្គីជនជាតិទាំងមូលនៅទូទាំងប្រទេស

ក្នុងឱកាសចូលរួមពិធីបុណ្យនៅអគារវប្បធម៌នៃឃុំ Vinh Thuc ខេត្ត Quang Ninh លោក Nguyen Xuan Thang នាយកវិទ្យាស្ថាននយោបាយជាតិហូជីមិញ ប្រធានក្រុមប្រឹក្សាទ្រឹស្តីមជ្ឈិម បានស្នើឱ្យមូលដ្ឋានលើកកម្ពស់ការអភិវឌ្ឍសេដ្ឋកិច្ចសមុទ្រប្រកបដោយចីរភាព ធ្វើការនេសាទ ធ្វើការអាជីវកម្មនូវជលផលប្រកបដោយការទទួលខុសត្រូវ ការអភិវឌ្ឍវារីវប្បកម្មសមុទ្រ សេវាកម្មភស្តុភារនេសាទ ទាញយកសក្តានុពលនៃទេសចរណ៍អេកូឡូស៊ីសមុទ្រ និងកោះប្រកបដោយប្រសិទ្ធភាព បង្កើនប្រាក់ចំណូល និងគុណភាពជីវភាពរស់នៅសម្រាប់ប្រជាជន។ ឃុំយកចិត្តទុកដាក់ចំពោះសុខុមាលភាពសង្គម ការអប់រំ ការថែទាំសុខភាព ដោយធានាថា ប្រជាជនទាំងអស់អាចទទួលបានសេវាកម្មសំខាន់ៗ ដោយមិនទុកនរណាម្នាក់ចោលក្នុងដំណើរការអភិវឌ្ឍឡើយ។

លោក Vu Hong Thanh អនុប្រធានរដ្ឋសភា ចូលរួមក្នុងសកម្មភាពវប្បធម៌ និងកីឡាជាមួយប្រជាជនក្នុងភូមិនានាក្នុងឃុំQuang Duc (រូបថត៖ vov.vn)

នាថ្ងៃដដែល លោក Vu Hong Thanh អនុប្រធានរដ្ឋសភា បានចូលរួមក្នុងពិធីបុណ្យសាមគ្គីភាពនៅភូមិ Khay Phau (ឃុំ Quang Duc)។ លោកអនុប្រធានរដ្ឋសភាសង្ឃឹមថា សហគមន៍នឹងបន្តលើកកម្ពស់ប្រពៃណីសាមគ្គីភាព ចូលរួមយ៉ាងសកម្មក្នុងចលនាប្រឡងប្រណាំង រក្សាសន្តិសុខព្រំដែន និងកសាងមាតុភូមិកាន់តែស្រស់បំព្រង។

នៅភូមិ Nguyet Lang B ឃុំ Binh Phu ខេត្ត Vinh Long លោកស្រី Vo Thi Anh Xuan អនុប្រធានរដ្ឋ បានចូលរួមទិវាបុណ្យមហាសាមគ្គីជនជាតិទាំងមូលឆ្នាំ២០២៥ ជាមួយប្រជាជនក្នុងតំបន់៕

បកប្រែដោយ Thanh Cong