លោក Pham Minh Chinh នាយករដ្ឋមន្ត្រី អញ្ជើញជាអធិបតីក្នុងសម័យប្រជុំលើកទី ២១ នៃគណៈកម្មាធិការដឹកនាំជាតិស្តីពីការប្រយុទ្ធប្រឆាំងនឹងការនេសាទខុសច្បាប់ ដោយមិនមានការរាយការណ៍ និងមិនមានបទប្បញ្ញត្តិត្រឹមត្រូវ (IUU)

ថ្លែងក្នុងសម័យប្រជុំ លោក Pham Minh Chinh នាយករដ្ឋមន្ត្រី បានវាយតម្លៃខ្ពស់ចំពោះក្រសួង ស្ថាប័ន ជាពិសេសកម្លាំងកងទ័ព នគរបាល ក្រសួងកសិកម្ម និងបរិស្ថាន និងមូលដ្ឋាននានាដែលបានបន្តខិតខំប្រយុទ្ធប្រឆាំងទៅនឹងការនេសាទខុសច្បាប់ ដោយមិនមានការរាយការណ៍ និងមិនមាន​បទប្បញ្ញត្តិត្រឹមត្រូវ (IUU) និងប្តេជ្ញាដក "កាតលឿង" របស់គណៈកម្មការអឺរ៉ុប (EC) ក្នុងឆ្នាំ២០២៥។

លោក Pham Minh Chinh នាយករដ្ឋមន្ត្រី អញ្ជើញជាអធិបតីក្នុងសម័យប្រជុំលើកទី ២១ នៃគណៈកម្មាធិការដឹកនាំជាតិស្តីពីការប្រយុទ្ធប្រឆាំងនឹងការនេសាទខុសច្បាប់ ដោយមិនមានការរាយការណ៍និងមិនមានបទប្បញ្ញត្តិត្រឹមត្រូវ (IUU) (រូបថត៖ vnanet.vn)

លោក Pham Minh Chinh នាយករដ្ឋមន្ត្រី បានដឹកនាំនិងបង្កើនការប្រយុទ្ធប្រឆាំងទៅនឹងការនេសាទខុសច្បាប់ ដោយមិនមានការរាយការណ៍ និងមិនមានបទប្បញ្ញត្តិត្រឹមត្រូវ (IUU) ដោយផ្តោតលើការដោះស្រាយនាវានេសាទដែលមិនចុះបញ្ជី និងគ្មានលក្ខណៈគ្រប់គ្រាន់ក្នុងការធ្វើនេសាទ ដោះស្រាយនាវានេសាទដែលរំលោភលើបទប្បញ្ញត្តិ ដាច់ប្រព័ន្ធ VMS និងគ្រប់គ្រងយ៉ាងតឹងរ៉ឹងនូវប្រភេពគ្រឿងសមុទ្រ។

ក្រសួង ស្ថាប័ននិងមូលដ្ឋានត្រូវតែធ្វើបច្ចុប្បន្នភាពទិន្នន័យទាំងអស់ជាបន្ទាន់ដូចជា៖ មូលដ្ឋានទិន្នន័យជាតិអំពីមុខរបរនេសាទ (Vnfishbase) ដោះស្រាយការរំលោភបំពានក្នុងវិស័យជលផល; ប្រព័ន្ធត្រួតពិនិត្យនាវានេសាទ VMS; ប្រព័ន្ធសម្រាប់ដោះស្រាយការរំលោភបំពានរដ្ឋបាលអំពីមុខរបរនេសាទ; ប្រព័ន្ធសម្រាប់ការបញ្ជាក់ប្រភពដើមផលិតផលជលផល (eCDT) និងធានាទិន្នន័យត្រឹមត្រូវ។

ទិដ្ឋភាពនៃសម័យប្រជុំ (រូបថត៖ vnanet.vn)

លោកនាយករដ្ឋមន្ត្រី បានបញ្ជាឲ្យក្រសួងកសិកម្ម និងបរិស្ថាន សហការជាមួយក្រសួងការពារប្រទេស រៀបចំបទប្បញ្ញត្តិសម្របសម្រួលអន្តរវិស័យស្តីពីការប្រយុទ្ធប្រឆាំងនឹងការនេសាទខុសច្បាប់ IUU និងសម្របសម្រួលជាមួយក្រសួង ស្ថាប័ន និងមូលដ្ឋាននានាដើម្បីរៀបចំផែនការធ្វើការជាមួយភាគី EC។ រក្សាទំនាក់ទំនង ផ្លាស់ប្តូរព័ត៌មានជាមួយ EC ជាប្រចាំ និងរាយការណ៍ជូនរដ្ឋាភិបាលនិងនាយករដ្ឋមន្ត្រីលើបញ្ហាដែលហួសពីសិទ្ធិអំណាច៕

បកប្រែដោយ Pham Diep