ពិព័រណ៍អំពីសមិទ្ធិផលនៃប្រទេសជាតិត្រូវតែធានានូវតម្រូវការលើគុណភាព និងស្តង់ដារអន្តរជាតិ

មានប្រសាសន៍ក្នុងពិធីបើកកិច្ចប្រជុំ លោក Mai Van Chinh ឧបនាយករដ្ឋមន្ត្រី ប្រធានគណៈកម្មាធិការដឹកនាំការតាំងពិព័រណ៍ បានទទួលស្គាល់ និងវាយតម្លៃខ្ពស់ចំពោះការខិតខំប្រឹងប្រែងរបស់ក្រសួងវប្បធម៌ កីឡា និងទេសចរណ៍ក្នុងការចាត់តាំងបុគ្គលិក រៀបចំផែនការ និងឯកសារពាក់ព័ន្ធ ព្រមទាំងកិច្ចសហការរបស់ក្រសួង ស្ថាប័ន និងមូលដ្ឋាននានា។

លោក Nguyen Hoa Binh និងលោក Mai Van Chinh អញ្ជើញជាអធិបតីកិច្ចប្រជុំស្ដីពីការរៀបចំ ពិព័រណ៍អំពីសមិទ្ធិផលនៃប្រទេសជាតិ (រូបថត៖ baochinhphu.vn)

ក្នុងកិច្ចប្រជុំនេះដែរ លោក Nguyen Hoa Binh បានសង្កត់ធ្ងន់ថា ពិព័រណ៍នេះគឺជាសកម្មភាពមួយក្នុងចំណោមព្រឹត្តិការណ៍ឆ្ពោះទៅខួបលើកទី ៨០ នៃទិវាបុណ្យឯករាជ្យជាតិ។ នេះគឺជាព្រឹត្តិការណ៍ដ៏មានអត្ថន័យក្នុងការផ្សព្វផ្សាយរូបភាពរបស់ទឹកដី និងមនុស្សវៀតណាម។ លោក Nguyen Hoa Binh បានអះអាងថា ពិព័រណ៍ត្រូវតែរៀបចំតាមគុណភាព និងស្តង់ដារអន្តរជាតិ ហើយបន្សល់ទុកនូវចំណាប់អារម្មណ៍ល្អចំពោះទស្សនិកជន មិនត្រឹមតែប្រជាជនក្នុងស្រុកប៉ុណ្ណោះទេ ថែមទាំងភ្ញៀវទេសចរអន្តរជាតិទៀតផង៕

បកប្រែដោយ Thuy Anh