នារសៀលថ្ងៃទី ១៥ មិថុនា នៅទីក្រុង Budapest ប្រទេសហុងគ្រី គណៈប្រតិភូជាង ៣០០ តំណាងសមាគមនារីមកពី ១៨ ប្រទេសអឺរ៉ុបបានចូលរួមវេទិកា “កំណត់តម្លៃវៀតណាមនៅបរទេសក្នុងយុគសម័យឌីជីថល និងបញ្ញាសិប្បនិមិត្ត” ដែលរៀបចំដោយវេទិកានារីវៀតណាមនៅអឺរ៉ុប និងឧបត្ថម្ភដោយស្ថានទូតវៀតណាមប្រចាំនៅហុងគ្រី។

leftcenterrightdel
លោស្រីបណ្ឌិត Phan Bich Thien (ឈរកណ្តាលនៅ) ជាមួយលោកស្រី Márta Mátrai អនុប្រធានទី១ រដ្ឋសភាហុងគ្រី លោក Bui Le Thai  ឯកអគ្គរដ្ឋទូតវៀតណាមប្រចាំនៅហុងគ្រីបានថតរូបជាមួយតំណាងសមាគមនារីចូលរួមវេទិកា “កំណត់តម្លៃវៀតណាមនៅក្រៅប្រទេសក្នុងយុគសម័យឌីជីថល”

ខុសពីវេទិកាដំបូងដែលធ្វើឡើងនៅថ្ងៃទី ៣ ខែមិថុនា ឆ្នាំ ២០២៣ ព្រឹត្តិការណ៍ឆ្នាំនេះក៏បានពង្រីកសម្រាប់ស្ត្រី បុរស អាជីវករ និងបញ្ញវន្តផងដែរ។ នេះមិនត្រឹមតែជាឱកាសសម្រាប់សមាជិកាជួបប្រាស្រ័យ ផ្លាស់ប្តូរ និងចែករំលែកបទពិសោធន៍ប៉ុណ្ណោះទេ ថែមទាំងជាកន្លែងសម្រាប់ពួកគេស្វែងយល់ និងឈានទៅមុខក្នុងដំណើរនៃការកំណត់តម្លៃវៀតណាមនៅលើផែនទីពិភពលោក។ លោក Bui Le Thai ឯកអគ្គរដ្ឋទូតវៀតណាមប្រចាំនៅហុងគ្រីបានអះអាងថា ប្រធានបទ “កំណត់តម្លៃវៀតណាមនៅបរទេសក្នុងយុគសម័យឌីជីថល និងបញ្ញាសិប្បនិមិត្ត” មានអត្ថន័យខ្លាំងណាស់ នៅពេលដែលបញ្ញាសិប្បនិមិត្ត (AI) ផ្លាស់ប្តូរពិភពលោកជារៀងរាល់ថ្ងៃ។ ជនជាតិវៀតណាមនៅក្រៅប្រទេសត្រូវបញ្ជាក់អត្តសញ្ញាណរបស់ខ្លួន ទាំងភាសា និងវប្បធម៌ ដើម្បីធ្វើសមាហរណកម្មប៉ុន្តែមិនរលាយ។ ក្នុងបរិបទនោះ ស្ត្រីវៀតណាមនៅបរទេសគឺជាឯកអគ្គរដ្ឋទូតនាំមុខគេក្នុងដំណើរការនេះ។

បកប្រែដោយ Duy Hoan