អាណិកជនវៀតណាមនៅឯបរទេស គោរពលើកតម្កើងលោកប្រធានហូជីមិញ

នៅប្រទេសសិង្ហបុរី ស្ថានទូតវៀតណាមប្រចាំនៅសិង្ហបុរី និងសហគមន៍អាណិកជនវៀតណាមប្រចាំនៅសិង្ហបុរីបានមកជូនផ្កានៅរូបសំណាកលោកប្រធានហូជីមិញនៅសារមន្ទីរអរិយធម៌អាស៊ី ដោយសម្តែងនូវការដឹងគុណចំពោះការរួមចំណែករបស់លោកប្រធានហូជីមិញចំពោះប្រទេសជាតិ។

ស្ថានទូតវៀតណាមប្រចាំនៅសិង្ហបុរី និងសហគមន៍អាណិកជនវៀតណាមប្រចាំនៅសិង្ហបុរី ជូនផ្កានៅរូបសំណាកលោកប្រធានហូជីមិញនៅសារមន្ទីរអរិយធម៌អាស៊ី (រូបថត៖ vnanet.vn)

លោក Tran Phuoc Anh ឯកអគ្គរដ្ឋទូតវៀតណាមប្រចាំនៅសិង្ហបុរី  បានសង្កត់ធ្ងន់ថា នេះជាឱកាសដ៏មានអត្ថន័យសម្រាប់ប្រជាជនវៀតណាមដែលកំពុងរស់នៅ សិក្សា និងធ្វើការនៅសិង្ហបុរី បង្ហាញពីសាមគ្គីភាព និងការតភ្ជាប់ជាមួយដំណើរការអភិវឌ្ឍន៍របស់ប្រទេសជាតិ រំលឹកឡើងវិញនូវប្រពៃណីដ៏រុងរឿងរបស់ប្រជាជនវៀតណាម និងប្តេជ្ញារួមវិភាគទានដល់ការអភិវឌ្ឍរបស់វៀតណាម ក៏ដូចជាទំនាក់ទំនងរវាងវៀតណាម និងសិង្ហបុរី។

នៅវិមានវប្បធម៌ជាតិឡាវក្នុងរដ្ឋធានីវៀងច័ន្ទ ស្ថានទូតវៀតណាមប្រចាំនៅឡាវ បានសម្របសម្រួលជាមួយមជ្ឈមណ្ឌលវប្បធម៌វៀតណាមនៅឡាវ សមាគមអាណិកជនវៀតណាមនៅឡាវ និងសមាគមធុរកិច្ចវៀតណាមនៅឡាវ បានរៀបចំការសំដែងសិល្បៈមហាជនសម្រាប់សហគមន៍អាណិកជនវៀតណាមនៅឡាវ ឆ្នាំ២០២៥។ នៅក្នុងព្រឹត្តិការណ៍នេះ បានប្រព្រឹត្តទៅការដេញថ្លៃគំនូរចំនួន ០៩ ដែលធ្វើពីស្លឹកពោធិ៍នៅវត្ត Phat Tich ក្នុងរដ្ឋធានីវៀងចន្ទន៍  ក្នុងគោលបំណងជួយដល់មូលនិធិសុខុមាលភាពសង្គមនៃរដ្ឋសភាឡាវ។

នៅប្រទេសអូស្ត្រាលី ស្ថានទូតវៀតណាមប្រចាំនៅអូស្ត្រាលីបានប្រារព្ធពិធីអុជធូបគោរពវិញ្ជណក្ខ័ន្ធលោកប្រធានហូជីមិញយ៉ាងឱឡារិកនៅទីសក្ការៈបូជាលោកប្រធានហូជីមិញ ក្នុងបរិវេណស្ថានទូត។  ក្នុងឱកាសនេះ ប្រតិភូបានទស្សនាភាពយន្តឯកសារ “ការទូតហូជីមិញ” ប្រគល់ជូនដោយមណ្ឌលកេរ្តិ៍ដំណែលលោកប្រធានហូជីមិញ នៅវិមានប្រធានរដ្ឋ៕

បកប្រែដោយ Thanh Cong