AGRITECHNICA ASIA គឺជាពិព័រណ៍ពាណិជ្ជកម្មកសិកម្មឈានមុខគេដែលរៀបចំដោយ DLG តាំងពីឆ្នាំ១៩៨៥ នៅក្នុងប្រទេសថៃ ដើម្បីបម្រើតម្រូវការកសិកម្មចម្រុះរបស់អាស៊ី។

លោក Nguyen Ngoc Thach អគ្គនិពន្ធនាយកកាសែតកសិកម្មវៀតណាមបានសង្កត់ធ្ងន់ថា ឆ្នាំ២០២៥ គឺជាលើកដំបូងហើយដែលពិព័រណ៍ AGRITECHNICA ASIA ត្រូវបានរៀបចំនៅប្រទេសវៀតណាម។ ពិព័រណ៍នេះនឹងបង្ហាញដំណោះស្រាយកសិកម្មទំនើប និងការអនុវត្តប្រកបដោយនិរន្តរភាពដល់កសិករវៀតណាម។ លោកសង្ឃឹមថា នាពេលខាងមុខ AGRITECHNICA ASIA នឹងត្រូវបានរៀបចំប្ដូរវេននៅប្រទេសថៃ និងវៀតណាម ដែលធ្វើឱ្យប្រទេសទាំងពីរនិយាយដោយឡែក និងតំបន់អាស៊ីអាគ្នេយ៍និយាយរួមក្លាយជាមជ្ឈមណ្ឌលចំណេះដឹងក្នុងវិស័យយន្តូបនីយកម្មកសិកម្ម។

leftcenterrightdel
លោក Peter Grothues ថ្លែងក្នុងសន្និសីទសារព័ត៌មាន

ពិព័រណ៍ AGRITECHNICA ASIA 2025 នឹងប្រព្រឹត្តទៅចាប់ពីថ្ងៃទី ១២ ដល់ថ្ងៃទី ១៤ ខែមីនា ឆ្នាំ២០២៥ នៅមជ្ឈមណ្ឌលពិព័រណ៍ និងសន្និបាតសៃហ្គន (SECC) ទីក្រុងហូជីមិញ។

លោក Peter Grothues សមាជិកក្រុមប្រឹក្សាទីប្រឹក្សាទីផ្សារ DLG បានជូនដំណឹងថា គោលដៅរបស់យើងគឺណែនាំបច្ចេកវិទ្យាទំនើបបំផុតរបស់ពិភពលោកដល់កសិករ អាជីវកម្ម និងសហករណ៍វៀតណាម។ ទាំងនេះគឺជាក្រុមហ៊ុនផលិតដែលកំពុងទៅឈានមុខក្នុងការកែលម្អគុណភាពរបស់ផលិតផល ឆ្ពោះទៅកសិកម្មឆ្លាតវៃ និងកាត់បន្ថយការបំភាយឧស្ម័ន។

AGRITECHNICA ASIA 2025 ផ្តោតលើវិស័យសំខាន់ៗរបស់ផ្នែកកសិកម្មវៀតណាម រួមមាន៖ ស្រូវ អំពៅ ពោត ដំណាំស្បឿង កាហ្វេ និងផ្លែឈើ។ ព្រឹត្តិការណ៍នេះបានទាក់ទាញការចូលរួមពីអង្គភាពតាំងពិព័រណ៍ជាង ២០០ មកពី ២៥ ប្រទេស និងអ្នកជំនាញរាប់ពាន់នាក់នៃវិស័យកសិកម្ម៕

បកប្រែដោយ Thuy Anh