ធានាសុវត្ថិភាព និងសន្តិសុខអាកាសចរណ៍ លើមូលដ្ឋាននៃខឿនការពារជាតិក្នុងប្រជាជនទាំងមូល និងសន្តិសុខក្នុងប្រជាជនទាំងមូល

នេះជាលើកដំបូងហើយដែលសន្និសីទស្ដីពីសុវត្ថិភាពអាកាសចរណ៍ពិភពលោកប្រព្រឹត្តទៅនៅប្រទេសវៀតណាម ដែលសហការរៀបចំដោយក្រសួងគមនាគមន៍ និងដឹកជញ្ជូនវៀតណាម សមាគមដឹកជញ្ជូនតាមអាកាសអន្តរជាតិ (IATA) និងក្រុមហ៊ុនអាកាសចរណ៍វៀតណាម (Vietnam Airlines)។

ប្រតិភូដែលចូលរួមក្នុងសន្និសីទ​​ (រូបថត៖ vnanet.vn)

អញ្ជើញចូលរួម និងថ្លែងមតិក្នុងសន្និសីទ លោក Tran Luu Quang ឧបនាយករដ្ឋមន្ត្រីវៀតណាម បានអះអាងថា វៀតណាមបន្តធានាសុវត្ថិភាព និងសន្តិសុខអាកាសចរណ៍ លើមូលដ្ឋាននៃខឿនការពារជាតិក្នុងប្រជាជនទាំងមូល និងសន្តិសុខក្នុងប្រជាជនទាំងមូល ដោយភ្ជាប់យ៉ាងជិតស្និទ្ធទៅនឹងការអនុវត្តគោលដៅអភិវឌ្ឍន៍សេដ្ឋកិច្ចសង្គម និងធ្វើសមាហរណកម្មអន្តរជាតិយ៉ាងសកម្ម។ វៀតណាមនឹងខិតខំប្រឹងប្រែងដោយឥតឈប់ឈរ ដើម្បីកសាងប្រព័ន្ធធានាសុវត្ថិភាព និងសន្តិសុខអាកាសចរណ៍ប្រកបដោយរឹងមាំ និងប្រសិទ្ធភាព ដែលសមស្របនឹងស្ថានភាពរបស់វៀតណាម និងបំពេញតាមស្តង់ដារអន្តរជាតិ។ ទន្ទឹមនឹងនេះ ត្រៀមខ្លួនជាស្រេចចែករំលែកបទពិសោធន៍ និងបង្កើនកិច្ចសហប្រតិបត្តិការជាមួយដៃគូទ្វេភាគី និងពហុភាគីក្នុងការធានាសុវត្ថិភាព និងសន្តិសុខអាកាសចរណ៍អន្តរជាតិ៕

បកប្រែដោយ Thuy Anh