វៀតណាមផ្តល់ម៉ាស់ពេទ្យចំនួន ១ សែនម៉ាស់ ជូនប្រជាជនអ៊ីស្រាអែល

ឯកអគ្គរដ្ឋទូតអ៊ីស្រាអែលប្រចាំវៀតណាម លោក Nadav Eshcar (ខាងឆ្វេង) និងតំណាងសម្ព័ន្ធក្រុមហ៊ុន PSD (រូបថត៖ vov.vn)

ឯកអគ្គរដ្ឋទូតអ៊ីស្រាអែលប្រចាំវៀតណាម លោក Nadav Eshcar បានថ្លែងអំណរគុណយ៉ាងជ្រាលជ្រៅចំពោះវៀតណាម ព្រមទាំងវាយតម្លៃខ្ពស់ចំពោះរាល់កិច្ចខិតខំប្រឹងប្រែងរបស់វៀតណាមក្នុងការបង្ការ និងប្រយុទ្ធប្រឆាំងនឹងជម្ងឺរាតត្បាតសកល Covid-19។ សកម្មភាពនេះបានបង្ហាញពីចំណងសាមគ្គីភាព និងការជួយឧបត្ថម្ភគ្នាទៅវិញទៅមករវាងប្រទេសទាំងពីរក្នុងគ្រាលំបាកដោយសារជម្ងឺរាតត្បាត ព្រមទាំងបញ្ជាក់ពីចំណងមិត្តភាព និងទំនាក់ទំនងសហប្រតិបត្តិការរវាងប្រទេសទាំងពីរ។

គួរជម្រាបបន្ថែមទៀតថា ប្រទេសអ៊ីស្រាអែលបានសម្រេចចិត្តបិទប្រទេសជាលើកទី២ ដើម្បីទប់ស្កាត់ការរីករាលដាលនៃជម្ងឺ Covid-19 ។ ការបិទប្រទេសលើកទី២ នេះនឹងអូសបន្លាយក្នុងរយៈពេល ៣ សប្ដាហ៍ក្នុងបរិបទដែលករណីឆ្លងជម្ងឺនៅប្រទេសនេះកំពុងកើនឡើង៕

បកប្រែដោយ Huyen Trang