បញ្ជូនពលរដ្ឋវៀតណាមពីបរទេសវិលត្រឡប់មកប្រទេសវិញ
កប.អនឡាញ - នាថ្ងៃទី១២ ខែសីហា ស្ថាប័នមានសមត្ថកិច្ចវៀតណាម ស្ថានទូតវៀតណាមប្រចាំសិង្ហបុរី និងក្រុមហ៊ុនអាកាសចរណ៍ Vietjet បានសហការជាមួយស្ថាប័នមានសមត្ថកិច្ចសិង្ហបុរី បញ្ជូនពលរដ្ឋវៀតណាមជាង ២៤០ នាក់ពីសិង្ហបុរីវិលត្រឡប់មកប្រទេសវិញ។
អ្នកដំណើរទាំងនេះរួមមានក្មេងអាយុក្រោម ១៨ ឆ្នាំ មនុស្សចាស់ជរា អ្នកមានជំងឺប្រចាំកាយ និងករណីជួបការលំបាកខ្លាំងផ្សេងទៀត។ បន្ទាប់ពីចុះចតនៅអាកាសយានដ្ឋានអន្តរជាតិ Can Tho អ្នកដំណើរទាំងអស់ត្រូវបានធ្វើចត្តាឡីស័ក និងដាក់ឲ្យនៅកន្លែងដាច់ដោយឡែកពីគេតាមការកំណត់។
|
|
រូបថតឧទាហរណ៍ (hanoimoi.com.vn) |
នាថ្ងៃទី១០ និងថ្ងៃទី១១ ខែសីហា ស្ថាប័នមានសមត្ថកិច្ចវៀតណាម ស្ថានទូតវៀតណាមប្រចាំនៅអាមេរិក សហការជាមួយស្ថាប័នមានសមត្ថកិច្ចអាមេរិក បានបញ្ជូនពលរដ្ឋវៀតណាមជាង ៣៤០ នាក់វិលត្រឡប់មកប្រទេសវិញប្រកបដោយសុវត្ថិភាព។ អ្នកដំណើរទាំងអស់ត្រូវបានធ្វើចត្តាឡីស័ក និងដាក់ឲ្យនៅកន្លែងដាច់ដោយឡែកពីគេតាមការកំណត់ បន្ទាប់ពីចុះចតនៅអាកាសយានដ្ឋាន Van Don៕
បកប្រែដោយ Thuy Anh