បញ្ជូនពលរដ្ឋវៀតណាមពីស្រីលង្កា និងបង់ក្លាដែសត្រឡប់មកប្រទេសកំណើតវិញដោយសុវត្ថិភាព
កប.អនឡាញ - នាថ្ងៃទី ២ និងថ្ងៃទី៣ ខែកក្កដា ឆ្នាំ២០២០ ក្រសួងការបរទេសវៀតណាម រួមជាមួយបណ្តាស្ថាប័នមានសមត្ថកិច្ចវៀតណាម ស្ថានទូតវៀតណាមប្រចាំនៅស្រីលង្កា និងបង់ក្លាដែស ក្រុមហ៊ុនអាកាសចរណ៍ Vietjet Air និងអាជ្ញាធរមូលដ្ឋានបានរៀបចំជើងហោះហើរបញ្ជូនពលរដ្ឋវៀតណាមប្រមាណ ២០០ នាក់មកពីស្រីលង្កា បង់ក្លាដែស នេប៉ាល់ ប៊ូតាន និងម៉ាល់ឌីវ ធ្វើដំណើរទៅកាន់ប្រទេសកំណើតដោយសុវត្ថិភាព។
|
|
ពលរដ្ឋវៀតណាមមកពីស្រីលង្កា បង់ក្លាដែស នេប៉ាល់ ប៊ូតាន និងម៉ាល់ឌីវ ត្រូវបានបញ្ជូនឲ្យត្រឡប់មកប្រទេសវិញ (រូបថត៖ vov) |
ពលរដ្ឋដែលធ្វើដំណើរតាមជើងហោះហើរនេះរួមមានមនុស្សអាយុក្រោម១៨ឆ្នាំ និស្សិតដែលបានបញ្ចប់ការសិក្សា និងដូនជីដែលត្រូវវិលត្រឡប់មកប្រទេសកំណើតវិញដោយសារការបិទសាលាសមាធិ រួមទាំងអ្នកទេសចរដែលជាប់គាំង និងពលករបានបញ្ចប់កិច្ចសន្យាការងារផងដែរ។
នៅឯជើងហោះហើរដែលចេញដំណើរពីប្រទេសវៀតណាមវិញក៏បានបញ្ជូនពលរដ្ឋបង់ក្លាដែសមួយចំនួននៅប្រទេសវៀតណាមឲ្យត្រឡប់ទៅប្រទេសកំណើតវិញដែរ៕
បកប្រែដោយ Duy Hoan